Shraddha Kapoor: श्रद्धा कपूरला मिळाले बॉलिवूडच्या टॉप अभिनेत्रींमध्ये स्थान; आता घेणार दुप्पट फी

Shraddha Kapoor : 'स्त्री 2' च्या प्रचंड यशानंतर अभिनेत्री श्रद्धा कपूरने एकता कपूरच्या आगामी थ्रिलर प्रोजेक्टसाठी आपली फी दुप्पट केली आहे. या चित्रपटासाठी ती १७ कोटी रुपये घेणार असून, ही तिच्या कारकिर्दीतील सर्वात मोठी फी आहे. या निर्णयामुळे श्रद्धा आता इंडस्ट्रीतील सर्वाधिक मानधन घेणाऱ्या अभिनेत्रींपैकी एक ठरली आहे.

'स्त्री 2' मध्ये श्रद्धा कपूरने ५ कोटी रुपये मानधन घेतले होते, तर राजकुमार रावने ६ कोटी रुपये मानधन घेतले होते. या चित्रपटाच्या यशानंतर दोघांनीही आपली फी वाढवली आहे. श्रद्धाने एकता कपूरच्या आगामी थ्रिलर प्रोजेक्टसाठी १७ कोटी रुपये मानधन निश्चित केले आहे. या चित्रपटाचे दिग्दर्शन अनिल बर्वे करणार असून, २०२५ मध्ये चित्रपटाचे शूटिंग सुरू होण्याची शक्यता आहे.

फी वाढवण्याबरोबरच श्रद्धा कपूरने या प्रोजेक्टसाठी प्रॉफिट-शेअरिंग क्लॉजवरही साइन केले आहे. यामुळे चित्रपटाच्या कमाईतून तिला एक ठराविक हिस्सा मिळणार आहे. हा करार श्रद्धासाठी आर्थिकदृष्ट्या फायदेशीर ठरण्याची शक्यता आहे.

'स्त्री 2' च्या यशामुळे श्रद्धा कपूरची लोकप्रियता वाढली आहे. या चित्रपटाने जगभरात ८७४ कोटी रुपयांची कमाई केली होती. या यशामुळे श्रद्धा कपूर आता इंडस्ट्रीतील टॉप अ‍ॅक्ट्रेसेसमध्ये गणली जाते. एकता कपूरच्या आगामी थ्रिलर प्रोजेक्टमध्ये तिची भूमिका प्रेक्षकांसाठी विशेष आकर्षण ठरणार आहे.