Jhalak Dikhala Ja: अंगूरी भाभीने केला 'या' प्रसिद्ध अभिनेत्रीचा लूक, लूक जबरदस्त चर्चेत

मुंबई: हिंदी टेलिव्हिजनवरील अनुभवी अभिनेत्रींपैकी एक शिल्पा शिंदे (Shilpa Shinde). शिल्पाने आपल्या वेगवेगळ्या भूमिकांनी प्रेक्षकांना प्रभावित केले आहे. सोबतच अनेक रिअॅलिटी शो मधून होणाऱ्या तिच्या डान्सने आपल्या चाहत्यांचे मने जिंकले आहेत. आता पुन्हा एकदा शिल्पा शिंदे आपल्या कलाकृतीने प्रेक्षकांचे मने जिंकायला तयार झाली आहे. तिने आपल्या नृत्याने चार चॉंद लावले आहे. शिल्पाने आपल्या इन्स्टाग्राम अकाऊंटवरुन (Social Media) तिचे काही फोटोज् शेअर केले आहेत.

चाहत्यांकडून सोशल मीडियावर शेअर केलेल्या फोटोज् आणि व्हिडिओवर लाइक्स आणि कमेंटचा पाऊस पडतोय. कलर्सवर प्रदर्शित होणारा रिअॅलिटी शो 'झलक दिखला जा' (Jhalak Dikhala Ja) १०व्या पर्वात बॉलिवूड थिमवर सर्वच स्पर्धक थिरकणार आहेत. अंगूरी भाभी येत्या शनिवारी श्रीदेवीच्या खास अवतारात प्रेक्षकांच्या समोर झळकणार आहे. यावेळी अंगूरी भाभी हिम्मतवाला चित्रपटातील श्रीदेवीचा (Shri Devi) लूक घेत तिच्या सिग्नेचर पोजमध्येही दिसत आहे.

'झलक दिखला जा' च्या १०व्या पर्वातील शिल्पाच्या लूकला चाहत्यांनी चांगलीच पसंदी दिली आहे. सोशल मीडियावर चाहते शिल्पाची खूप स्तुती करीत आहे. शेअर केलेल्या व्हिडिओत शिल्पाने कॅप्शन लिहिले आहे की, ' 'झलक दिखला जा' च्या १०व्या पर्वात या आठवड्यात बॉलिवूड थीम असणार आहे. सोबतच यावेळी मी अभिनेत्री श्रीदेवी यांनी सादर केलेल्या एका गाण्यावर नृत्य करणार आहे.' तसेच शिल्पा हिंदी बिग बॉसच्या ११व्या सीझनची विजेती ही होती.

शिल्पा शिंदे नेहमीच सोशल मिडियावर अॅक्टिव्ह असते. सोशल मिडीयावर नेहमीच तिच्या खासगी आणि व्यावसायिक आयुष्यातील बाबी शेअर करत असते. सोशल मीडियावर खूप मोठा चाहतावर्ग आहे.