Shilpa Shetty: अभिनेत्री शिल्पा शेट्टी हिला मुंबई हायकोर्टाकडून आज पुन्हा एकदा धक्का बसला आहे. आर्थिक गुन्हे शाखेने (EOW) जारी केलेल्या लुक आउट नोटीस रद्द करण्याची तिची मागणी हायकोर्टाने फेटाळली आहे. या प्रकरणात शिल्पाने स्वतःचा कोणताही संबंध नसल्याचा दावा करत याचिका दाखल केली होती.
शिल्पाने आपल्या याचिकेत म्हटले आहे की, “माझ्या नवऱ्याच्या अर्थात राज कुंद्राच्या कंपनीशी माझा काहीही संबंध नाही. माझ्याविरोधात जारी केलेली लुक आउट नोटीस रद्द करण्यात यावी.” मात्र, न्यायालयाने या युक्तिवादावर नाराजी व्यक्त करत कठोर भूमिका घेतली.
कोर्टाने सुनावणीदरम्यान शिल्पाला स्पष्टपणे सांगितले की, “जर तुम्हाला परदेशात जायचे असेल, तर आधी माफीचा साक्षीदार बना.” तसेच, न्यायालयाने राज कुंद्राला शिल्पाचा त्यांच्या कंपनीशी काही संबंध नाही असे प्रतिज्ञापत्रावर लिहून सादर करावे असा आदेश दिला आहे. याचबरोबर कोर्टाने १६ ऑक्टोबरपर्यंत लेखी उत्तर सादर करण्याचे आदेश दिले असून, शिल्पाला कोणताही दिलासा दिलेला नाही.
EOW ने जारी केलेली लुक आउट नोटीस ही ६० कोटी रुपयांच्या फसवणुकीशी संबंधित आहे. या प्रकरणात राज कुंद्राच्या कंपनीवर गंभीर आरोप आहेत. शिल्पाने या रकमेच्या भरण्यास नकार दिला असून, स्वतःचा कोणताही सहभाग नसल्याचे सांगितले आहे. गेल्या सुनावणीतही कोर्टाने शिल्पाला तंबी देत सांगितले होते की, “तुमचा या कंपनीशी संबंध नाही असा दावा करता, पण नुकसानभरपाई भरण्यास नकार देता हे विसंगत आहे.” आजच्या सुनावणीनंतर शिल्पाच्या वकिलांनी पुढील युक्तिवादाची तयारी सुरू केली आहे. या प्रकरणावर आता १६ ऑक्टोबरला पुढील सुनावणी होणार आहे, आणि तोपर्यंत शिल्पाला कोणतीही सवलत मिळालेली नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.