Shamshera Song Fitoor: 'फितूर'मध्ये वाणी-रणबीरचा रोमान्स, चर्चा तर होणारच

मुंबई : रणबीर कपूर(Ranbir Kapoor), वाणी कपूर(Vaani kapoor) आणि संजय दत्त(Sanjay Dutt) यांच्या 'शमशेरा'(Shamshera) या चित्रपटातील 'फितूर' हे दुसरे रोमँटिक गाणे रीलीज झाले आहे. गाण्यात वाणीसोबत रणबीरची केमिस्ट्री बघायला मिळत आहे. हे गाणे अरिजीत सिंग आणि नीती मोहन यांनी गायले असून, मिथुनने संगीतबद्ध केले आहे. करण मल्होत्रा ​​दिग्दर्शित 'शमशेरा' हा चित्रपट २२ जुलै रोजी चित्रपटगृहात प्रदर्शित होणार आहे

'शमशेरा' हा चित्रपट अनेक अर्थांनी खास आहे. कारण या चित्रपटात रणबीर पहिल्यांदाच दुहेरी भूमिका साकारणार आहे. यासोबतच तो पहिल्यांदाच अभिनेत्री वाणी कपूरसोबत रोमान्स करताना दिसणार आहे. तसेच सर्वात मनोरंजक गोष्ट म्हणजे या चित्रपटाद्वारे रणबीर तब्बल ४ वर्षांनी रुपेरी पडद्यावर पुनरागमन करत आहे. म्हणूनच शमशेरा हा चित्रपट पाहण्यासाठी प्रेक्षक आतूर झाले आहेत.

'फितूर' गाण्याबद्दल बोलायचे झाले तर, हे चित्रपटातील पहिले रोमँटिक गाणे आहे. याआधी या चित्रपटातील 'जी हुजूर' हे गाणे रीलीज झाले होते. 'फितूर' या गाण्यात रणबीर-वाणीची केमिस्ट्री दाखवण्यात आली आहे. या गाण्यात अनेक रोमँटिक सीन्स पाहायला मिळत आहेत. वाळवंटापासून ते अथांग सागरापर्यंतच्या लोकेशनमध्ये रणबीर-वाणीचा रोमान्स या गाण्यातून दाखवण्यात आला आहे.

'फितूर' गाण्याबद्दल बोलताना रणबीर म्हणाला, 'मला फितूर हे गाण खूप आवडलं. हे एक अतिशय सुंदर रोमँटिक गाणं आहे, जे संगीतप्रेमींना नक्कीच आवडेल. हे गाणे मोठ्या पडद्यावर अप्रतिम पद्धतीने दाखवण्यात आलं आहे. याशिवाय, 'शमशेरा हा एक अॅक्शन चित्रपट आहे. चित्रपटात अनेक प्रकारची गाणी आहेत. जी मला खूप आवडली आणि मला अशी आशा आहे की लोकांनाही ती नक्की आवडतील, असेही रणबीर कपूर म्हणाला.