Richa-Ali Wedding : रिचाच्या गालावर लग्नाची लाली; 'सुंदरा' कॅमेऱ्यात भरली...

मुंबई: रिचा चड्ढा आणि अली फजल यांच्या लग्नाच्या प्रत्येक गोष्टीची चर्चा होत आहे. मेहेंदीपासून संगीतापर्यंतचे सर्व कार्यक्रम दिल्लीत साजरे करून दोघेही मुंबईत (Mumbai) परतले आहेत. रिचा आणि अली यांचा विवाह सोहळा मुंबईत होणार आहे. लग्नाला कुटुंबातील सदस्य आणि जवळच्या मित्रांची उपस्थिती असणार आहे. (Entertainment News Marathi)

लग्नासाठी (Wedding) मुंबईमध्ये आलेल्या रिचाला विमानतळावर स्पॉट करण्यात आले. रिचा तेव्हा लाल रंगाच्या आऊटफिटमध्ये दिसली. नववधूच्या चेहऱ्यावर लग्नाचा ग्लो आला आहे. त्यामुळे ती अजूनच सुंदर दिसत आहे. विमानतळावर रिचाचे पुष्पगुच्छ देऊन स्वागत करण्यात आले. तिचे विमानतळावरील फोटो व्हायरल झाले आहेत.

काही दिवसांपूर्वी रिचा आणि अलीने इंस्टाग्रामवर व्हॉईस नोट शेअर करून लग्नाची घोषणा केली होती. लग्नापूर्वीच्या सोहळ्यात 'फुक्रे' चित्रपटातील 'अंबरसारिया' आणि 'रांझा रांझा' या हिट गाण्यांवर दोघांनी डान्स सुद्धा केला. त्यांचे व्हिडीओ त्यांनी सोशल मीडियावर शेअर केले होते.

रिचा आणि अलीची 'फुक्रे'च्या सेटवर पहिल्यांदा भेट झाली होती. गेल्या दोन वर्षांपासून ते एकेमकांना डेट करत आहेत. लग्नानंतर 'फुक्रे ३'मध्ये सुद्धा दोघे एकत्र काम करताना दिसणार आहेत.