Ranveer Singh Look: 'सिंघम अगेन'चा श्रीगणेशा! चित्रपटाच्या सेटवरील रणवीर सिंगचा फोटो व्हायरल

Ranveer Singh Look From Singham Again Goes Viral:

अभिनेता रणवीर सिंगने त्याच्या अभिनयाने स्वतःला सिद्ध केले आहे. रणवीर नेहमीच विविध धाटणीच्या भूमिका घेऊन प्रेक्षकांच्या भेटीला येत असतो. रोमान्ससह अ‍ॅक्शन देखील तो तितक्याच दमदारपणे करतो.

रणवीर सिंगसाठी २०२२ हे वर्ष काही खास नव्हतं. पण २०२३ मध्ये रॉकी रंधावा बनून त्याने बॉक्स ऑफिसवर धुमाकूळ घातला. 'रॉकी ओर रानी की प्रेम कहानी' या चित्रपटातील त्याचा लूक आणि डान्सने प्रेक्षकांची मने जिंकली.

रणवीर सिंग आता रोहित शेट्टीच्या 'सिंघम अगेन' चित्रपटासाठी सज्ज झाला आहे. या चित्रपटाच्या सेटवरील त्याचा फर्स्ट लूक रिव्हील झाला आहे.

काही दिवसांपूर्वी रोहित शेट्टी, अजय देवगण आणि रणवीर सिंग यांनी 'सिंघम अगेन' चित्रपटाच्या मुहूर्त पूजा केली. त्याचे फोटो या कलाकारांनी शेअर केले होते. यावरून हे नक्की झालं की 'सिंघम अगेन' चित्रपटाचे शूटिंग सुरू झाले आहे. रणवीर सिंगने आता याचे कन्फर्मेशन दिलं आहे.

रणवीर सिंगने त्याच्या इंस्टाग्राम स्टोरीवर एक फोटो शेअर केला आहे. रणवीरने या फोटोमध्ये काळ्या रंगाचे स्लिव्हलेस टी-शर्ट आणि मॅचिंग ट्राऊजर घातले आहे. तसेच गॉगल देखील लावला आहे. हा फोटो रणवीरने सिंघम टायटल ट्रॅक आणि सिंबा स्टिकरसह पोस्ट केले आहे. तसेच बॅकग्राऊंडला 'आला रे आला' हे म्युजिक देखील लावले आहे. इतकेच नाही तर तो त्याच्या मिश्यांना देखील पीळ देत आहे.

अजय देवगणच्या 'सिंघम' चित्रपटाचा 'सिंघम अगेन' हा सिक्वेल आहे. 'सिंघम अगेन' कधी रिलीज होणार याबाबत अद्याप अधिकृत घोषणा करण्यात आलेली नाही. परंतु अशी चर्चा आहे की 'सिंघम अगेन' पुढच्या वर्षी १५ ऑगस्टला प्रदर्शित होईल. याच दिवशी अल्लू अर्जुनाचा 'पुष्पा २' देखील प्रदर्शित होणार आहे.

अजय देवगण आणि रणवीर सिंगसह अक्षय कुमार देखील या चित्रपटामध्ये दिसण्याची शक्यता आहे. 'सिंघम अगेन'च्या मुहूर्त पूजेच्या वेळी अक्षय कुमारने केलेल्या पोस्टमुळे याची अधिक चर्चा होत आहे.