'लग्ना आधीच...'; राखी सावंतला आदिलच्या बाळाची आई व्हायचंय!

मुंबई - आलिया भट्टने (Alia Bhatt) 27 जून रोजी सोशल मीडियावर एक पोस्ट शेअर करुन चाहत्यांना गूड न्यूज दिली आहे. आलियानं शेअर केलेल्या फोटोला अनेकांनी कमेंट करुन तिला शुभेच्छा दिल्या. आता राखी सावंतनं (Rakhi Sawant) देखील आलिया आणि रणबीरला शुभेच्छा दिल्या आहेत. पण राखीने एक्दम हटके स्टाईलने आलियाच्या प्रेग्नेंसीवर रिअॅक्शन दिली.

ड्रामा क्वीन राखी सावंतलाही आई व्हायचं आहे. ही अफवा नाही, खुद्द राखीने पापाराझींसमोर याचा खुलासा केला आहे. राखी सावंतचे आजकाल आदिलवर प्रचंड प्रेम आहे, अभिनेत्री कुठेही जाते त्यावेळी आदिल देखील तिच्यासोबत दिसतो. जेव्हा राखीला आलिया भट्टच्या गरोदरपणाच्या बातम्यांबाबत प्रश्न विचारण्यात आला तेव्हा अभिनेत्रीने तिची इच्छा अतिशय मजेशीर पद्धतीने उत्तर दिले.

काय म्हणाली राखी?

राखीच्या व्हायरल झालेल्या एका व्हिडीओमध्ये पापाराझी राखीला आलिया आणि रणबीरच्या गूड न्यूजबाबत सांगताना दिसत आहेत. यावर राखीनं मी कधी आई होणार, मला आई व्हायचे आहे. लग्नाआधी देखील चालेल. सध्या असंच होतंय लग्नाआधीच लोक प्रेग्नंट होत आहेत. पण मी जेव्हा प्रेग्नंट होणार त्याच्या दुसऱ्याच दिवशी मी लग्न करणार असेही राखीने स्पष्ट केले.

राखी गेल्या काही महिन्यांपासून आदिल दुर्रानीला डेट करत आहे. राखीचे आदिलसोबतचे व्हिडीओ आणि फोटो नेहमी सोशल मीडियावर व्हायरल होत असतात. राखी तिच्या विनोदी वक्यव्यामुळे नेहमीच चर्चेत असते.