अभिनेत्री 'गहना वशिष्ठचा' मुंबई पोलिसांवर गंभीर आरोप; वाचा सविस्तर

मुंबई: राज कुंद्रा पॉर्नोग्राफी प्रकरणात (Raj Kundra Pornography Case) रोज नवनविन खुलासे समोर येत आहेत. त्यातबरोबर राजच्या कोठडीत चौदा दिवसांची वाढ करण्यात आली आहे. या प्रकारणात अभिनेत्री गहना वशिष्ठचं (Gehana Vasisth) नाव देखील गोवलं गेलं आहे. तिच्यावर राज कुंद्रा सोबत पॉर्नोग्राफी प्रकरणाबाबत आरोप आहेत. परंतू गहानाने आता मुंबई पोलिसांनाच (Mumbai Police) या गोष्टीसाठी जबाबदार धरलं आहे. ती आरोप करताना म्हणाली की ''मुंबई पोलीस राज कुंद्रा आणि एकता कपुर यांच नाव घेण्यासाठी माझ्यावर दबाब टाकत आहेत''.

गहनाने एका माध्यमाला दिलेल्या मुलाखतीमध्ये हे वक्तव्य केले आहे. "माझ्यावर पोलीस अत्यंत बेधुट आरोप करत आहेत. फ्रेब्रुवारी 2021 मध्ये त्यांनी माझ्यावर अशाच प्रकारचे आरोप केले होते. आणि मला अटक केली होती. त्यावेळी त्यांनी माझ्याकडून 15 लाखांची मागणी केली होती. आणि मी जर त्यांना पैसे दिले तर ते मला सोडून देतील असेही ते म्हणाले होते.परंतू मी पैसे द्यायला नकार दिला. त्यानंतर राज आणि एकता कपुर यांचं नाव घेण्यासाठी माझ्यावर दबाव टाकला गेला. पण मी दबावाला बळी पडले नाही. त्यामुळे मला अटक करण्यात आली. राज कुंद्राने देखील चुकीचं असं काहीच केलेलं नाही. पोलीस उगाच आम्हाला नको त्या प्रकरणामध्ये अडकवत आहेत'', असेही गहना बोलली आहे.

दरम्यान पोलिसांनी दिलेल्या माहितीनुसार राज कुंद्रा लंडमधील केनरिन नामक एका कंपनीसाठी पॅार्न व्हिडिओंची निर्मीती करायचा. आणि हिच कंपनी हॅाटशॅाट नावाने भारतामध्ये अॅप चालवते. समोर आलेल्या माहितीनुसार या अॅपवर OTT प्लॅटफॅार्मसारखे मंथली सबस्क्रिप्शन मिळत नाही. हे चित्रपट पाहण्यासाठी लोकांना प्रत्येक चित्रपटासाठी वेगळे पैसे मोजावे लागतात. माध्यामाच्या अहवालानुसार राज कुंद्राने या पॅार्न व्हिडीओच्या माध्यमांतून जवळपास 500 कोटी रुपये कमावले आहेत.

Edited By: Pravin Dhamale