'Pushpa 2'ची रिलीज डेट पुन्हा बदलली; तर 'पुष्पा 3' बद्दल नवीन अपडेट समोर

सध्या सर्वत्र 'पुष्पा 2'ची चर्चा पाहायला मिळत आहे. 'पुष्पा 2' रिलीजला आता अवघे काही दिवस बाकी आहेत. 'पुष्पा 2' मध्ये अल्लू अर्जून आणि रश्मिका मंदाना मुख्य भूमिकेत पाहायला मिळणार आहेत. 'पुष्पा :द राईज' हा चित्रपट 2021 मध्ये रिलीज झाला होता. ज्याला प्रेक्षकांकडून खूप पसंती मिळाली.

'पुष्पा 2 : द रुल' या चित्रपटाचा नवीन पोस्टर प्रदर्शित करण्यात आला आहे. ज्यात चित्रपटाची रिलीजची नवीन तारीख दिसत आहे. आता 'पुष्पा 2' हा चित्रपट 5 डिसेंबरला रिलीज होणार आहे आणि या चित्रपटाचे प्रमोशनदेखील सुरू झाले आहे. यापूर्वी हा चित्रपट 6 डिसेंबरला प्रेक्षकांच्या भेटीला येणार होता.

'पुष्पा 2'नंतर चाहत्यांसाठी 'पुष्पा 3'ची ही नवी अपडेट समोर आली आहे. 'पुष्पा 3' साठीही चाहत्यांची उत्कंठा शिगेला पोहोचली आहे. मीडिया रिपोर्टनुसार, रविशंकर यांनी 'पुष्पा 3'बद्दल मोठी अपडेट दिली आहे. "ते म्हणाले की, प्रेक्षकांनी 'पुष्पा 2'ला चांगला सपोर्ट केला तर नक्कीच 'पुष्पा 3' चा विचार करू.'पुष्पा 3' साठी त्यांच्याकडे चांगली लीड देखील आहे."

तसेच या संदर्भात अल्लू अर्जुन 'पुष्पा 3' बद्दल म्हणाला की, " रवि शंकर म्हणाले आहेत की, 'पुष्पा 3' वर काम चालू आहे." प्रेक्षक 'पुष्पा 2' च्या रिलीज आधीपासूनच 'पुष्पा 3'ची आतुरतेने वाट पाहत आहेत. 'पुष्पा 2' ने रिलीज आधीच कोट्यवधींची कमाई केली आहे. 1085 कोटींची एकूण प्री-रिलीझ कमाई 'पुष्पा 2'ची आहे.