Prajakta Mali Video: प्राजक्ता माळीचा 'मनसे' ध्यास; नवीन गाण्यावरच्या डान्स व्हिडिओने घातलाय धुमाकूळ

Prajakta Mali Dance On MNS Theme Song: अभिनेत्री प्राजक्ता माळी सोशल मीडियावरील तिच्या लूक्समुळे नेहमीच चर्चेत असते. प्राजक्ता अभिनयासह अनेक विविध गोष्टी देखील करत असते. सध्या ती 'महाराष्ट्राची हास्यजत्रा' या विनोदी मालिकेतून प्रेक्षकांच्या भेटीला येत असते. प्राजक्ताचा एक व्हिडिओ सोशल मीडियावर व्हायरल होत आहे. चला पाहूया प्राजक्ताच्या या नवीन व्हिडिओमध्ये काय खास आहे ते.

प्राजक्ताच्या व्हायरल होत असलेला व्हिडिओमध्ये मनसेच्या नवीन गाण्यावर डान्स करताना दिसत आहे. प्राजक्ताचे या गाण्यावर नाचतानाचे भाव लक्ष वेधून घेणारे आहेत. प्राजक्ताच्या फुलाप्रमाणे नाजूक असलेली प्राजक्ता या गाण्यावर नाचताना एखाद्या मनसे कार्यकर्त्यासारखी बिनधास्त आणि बेधडक दिसत आहे.

प्राजक्ताचा हा व्हिडिओ मनसेच्या पेजवरून शेअर करण्यात आला आहे. या पेजच्या हा व्हिडिओ प्राजक्ताला टॅग देखील केला आहे.

प्राजक्ताचा व्हायरल होत असलेला हा व्हिडिओ एक डान्स स्टुडिओमधील आहे. कदाचित मनसेच्या आगामी कार्यक्रमात प्राजक्ता या गाण्यावर थिरकू शकते किंवा या गाण्यावर प्राजक्ताचा व्हिडिओ देखील येऊ शकतो.

राज ठाकरे कलाकार प्रेमी आहेत हे आपल्या सगळ्यांना माहीत आहेत. प्राजक्ताच्या 'प्राजक्तराज' या दागिन्यांच्या उद्दघाटन सोहळ्याला राज ठाकरे उपस्थित होते. दरम्यान प्राजक्ताच हा व्हिडिओ पाहिल्यानंतर कलाकारांचे मनसे प्रेम दिसून येत आहे.

मनसे हे गाणे अवधूत गुप्ते आणि अपूर्व निषाद यांनी गायले आहे. तर हितेश मोदक यांनी हे गाणे संगीबद्ध केले आहे. मंदार चोळकर यांनी या गाण्याचे बोल लिहिले आहेत. मनसेच्या वर्धापनदिनी म्हणजे ९ मार्चला हे गाणे प्रदर्शित करण्यात आले.