Mrs World: २१ वर्षांनी भारताला मिळाला बहुमान, सरगम कौशलने पटकावला मिसेस वर्ल्डचा किताब

Mrs World 2022: जम्मूच्या सरगम कौशलने मिसेस वर्ल्ड हा 'किताब जिंकून भारताच्या बहुमानात मनाचा तुरा रोवला आहे. या स्पर्धेत ६३ देशातील महिला सहभागी झाल्या होत्या. २१ वर्षांनी भारताला हा बहुमान मिळाला आहे. २००१ साली डॉ. अदिती गोवित्रीकरने हा किताब जिंकला होता.

मिसेस वर्ल्ड झाल्यानंतर सरगम कौशल यांनी एक विडिओ शेअर केला आहे. 'मी खूप आनंदी आहे. '२१-२२ वर्षांनी आपल्याला हा मुकुट परत मिळाला आहे. मी खूप उत्साहित आहे लव्ह यु इंडिया, लव्ह वर्ल्ड.' ३२ वर्षीय सरगम कौशल मूळ जम्मू-काश्मीरची आहे. सरगमने इंग्रजी साहित्यात पोस्ट ग्रॅज्युएशन केले आहे. सरगम विशाखापट्टनम शिक्षिका म्हणून काम केले आहे. २००८ साली सरगम कौशलचे लग्न झाले. तिचे पती इंडियन नेव्हीमध्ये आहे. (Celebrity)

मिसेस वर्ल्ड ही स्पर्धेचे नाव पहिले मिसेस अमेरिका होते. त्यानंतर ते बदलून 'मिसेस वूमन ऑफ द वर्ल्ड' करण्यात आले. १९८८ पासून या स्पर्धेला 'मिसेस वर्ल्ड' या नावाने ओळखले जाऊ लागले. गेल्या काही वर्षांपासून ८० देशातील महिला या देशात सहभागी होत आहेत. (World)

२००१ मध्ये डॉ. अदिती गोवित्रीकर यांनी मिसेस वर्ल्डचा किताब पटकावला. हे विजेतेपद पटकावणारी अदिती ही पहिली भारतीय महिला ठरली. अदिती एक अभिनेत्री आहे. भेजा फ्राय, दे दाना दान, स्माईल प्लीज यांसारख्या चित्रपटांमध्ये तिने काम केले आहे. अदिती २०२२ च्या स्पर्धेत ज्युरी म्हणून सहभागी झाली होती.