मुंबई: नुकताच पहिला एलिमेनेशन राऊंड झाला यात बिग बॉस (Bigg Boss) मधील एका खेळाडूचा प्रवास थांबला आहे. निखिल राजेशिर्के हा बिग बॉसच्या घरातून बाहेर पडणारा पहिला स्पर्धक आहे. अशातच पहिले एलिमिनेशन पार पडल्याने घरातील सध्या वातावरण तणावाचे आहे. बिग बॉसच्या घरातील एक नवीन प्रोमो समोर आला आहे. हा प्रोमो बिग बॉसच्या अधिकृत सोशल मीडिया पेजवर शेअर करण्यात आला आहे. (Marathi Entertainment News)
शेअर केलेल्या व्हिडिओत बिग बॉसने घरातील स्पर्धकांसाठी नॉमिनेशनचे खास कार्य सोपवले आहे. आज बिग बॉसच्या घरात 'फटा पोस्टर निकला झिरो' हे नॉमिनेशन कार्य पार पडणार आहे. यामध्ये नॉमिनेशन कार्यात ही प्रत्येक स्पर्धक एकमेकांना नॉमिनेट करताना दिसत आहे. नॉमिनेशन कार्यात स्पर्धकांचे एकमेकांमध्ये राडे होतातच. शेअर केलेल्या प्रोमोमध्ये अमृता आणि यशश्री या दोघींमध्ये चांगलीच जुंपलेली दिसत आहे.
शेअर केलेल्या व्हिडिओत असे दिसते की, यशश्रीने अमृताला नॉमिनेट केले असून त्या दोघींमध्ये कडाक्याचे भांडण वाजले आहे. अमृता म्हणते, "स्वत: काही तरी विचित्र वागत आहे, या लोकांच्या जीवावर उड्या मारत आहे ना? यशश्री त्यावर म्हणते, मी इथे तुला प्रूफ करायला आले नाही, मी कोणाच्या जीवावर उड्या मारत सुद्धा नाही." पुढील भागात घरात काय राडे होणार, कोणते नव-नवे नाद पाहायला मिळणार, कोण कोणाला नॉमिनेट करणार हे पाहणे महत्वाचे ठरणार आहे. या शेअर केलेल्या प्रोमोने सर्वांचीच उत्सुकता वाढवली आहे.
बिग बॉसच्या चौथ्या पर्वात स्पर्धकांसह प्रेक्षकांना अनेक वेगवेगळ्या गोष्टी पाहायला मिळाल्या आहेत. सर्वच स्पर्धकांचे खरे चेहरे प्रेक्षकांना हळू हळू पाहायला मिळत आहे. त्यामुळे आता प्रेक्षकही सोशल मीडियाच्या माध्यमातून आपल्या आवडत्या स्पर्धकाला पाठिंबा देत आहेत. त्यामुळे बिग बॉसच्या घरात शेवटपर्यंत कोणता स्पर्धक राहणार हे आपल्याला त्याचवेळी कळेल.
Edit By: Chetan Bodke
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.