Actress : दिग्दर्शकाने कट म्हटल्यावरही Kiss करत राहिला; अभिनेत्याच्या 'त्या' घाणेरड्या कृत्याने खळबळ, अभिनेत्रीने रडत रडत पतीला केला फोन अन्...

मराठी आणि हिंदी चित्रपटसृष्टीत आपल्या अभिनयाने आणि सौंदर्यने प्रेक्षकांचे मन जिंकणारी अभिनेत्री प्रिया बापट सध्या तिच्या कामामुळे चांगलीच चर्चे आहे. ओटीटी विश्वात तिने स्वतःची नवीन ओळख निर्माण केली आहे. लवकरच ती 'डाळिंब' (DALIMB) या वेब सीरिजमधून प्रेक्षकांच्या भेटीला येणार आहे. अशात नुकताच एका मीडिया मुलाखतीत प्रियाने शूटिंग दरम्यान 'किसिंग सीन' शूट करतानाचा अनुभव सांगितला आहे, जो वाचून तुम्ही अस्वस्थ व्हाल.

नेमकं घडलं काय?

प्रिया बापट 'फिल्मफेअर'ला दिलेल्या मुलाखतीत सांगितले की, "माझ्या सुरुवातीच्या काळातील एका चित्रपटात एक किसिंग सीन होता आणि स्क्रिप्ट वाचनाच्या वेळेपासूनच त्याबद्दल माझ्या मनात शंका आणि चिंता होती. मी दिग्दर्शकाला सतत विचारत होते की, याची इथे काय गरज आहे? प्रश्न मला किस करायचे आहे की नाही, याचा नव्हता; तर प्रश्न असा होता की, याचे समर्थन कसे करता येईल? कारण ते इथे अजिबातच योग्य वाटत नव्हते... मात्र चित्रपटाच्या गरजेनुसार मी किसिंग सीन करण्यास होकार दिला. "

प्रिया बापट पुढे म्हणाली की, "नंतर असे काही क्षण आले की जेव्हा अभिनेता गाण्यात सुधारणा करत राहिला आणि तो मला किस करत राहिला आणि मी असणं, का मला माहित नाही, त्या वेळी मी स्वतःसाठी भूमिका घेतली नाही. कारण मला हे कसे हाताळायचे हे माहित नव्हते...पण हे एवढ्यावरच थांबले नाही तर त्याने माझ्याशी वैयक्तिक जवळीक साधण्याचा प्रयत्न केला. सतत नकार देऊनही तो नाश्त्यासाठी किंवा रात्रीच्या जेवणासाठी मला भेटण्यासाठी आग्रह करायचा..."

प्रिया बापटने पुढे खुलासा केला की, त्यावेळी चित्रपटाचे शूटिंग भोपाळमध्ये सुरू होते. जेव्हा प्रियाने रडत रडत तिचा नवरा आणि अभिनेता उमेश कॉमतला घडलेला सर्व प्रसंग सांगितला, तेव्हा तो ताबडतोब मुंबईहून भोपाळला तिच्या जवळ आला आणि तीन दिवस त्याने तिला खंबीर पाठिंबा दिला.