मंदिरा बेदीचा पती आणि फिल्ममेकर राज कौशल यांचे निधन

बॉलीवूड अभिनेत्री मंदिरा बेदीचा (Mandira Bedi) पती आणि फिल्ममेकर (FilmMaker) राज कौशल (Raj Kaushal) यांचे बुधवारी सकाळी वयाच्या 49 व्या वर्षी हृदयविकाराच्या (Heart Attack) झटक्याने निधन झाले. मंदिरा आणि राज यांना दोन मुले आहेत. राज कौशलच्या निधनाबद्दल सोशल मीडियावरील सेलेब्रिज आणि चाहते शोक व्यक्त करत आहेत. (Mandira Bedi's husband and filmmaker Raj Kaushal passes away)

चित्रपट दिग्दर्शक ओनीर यांनी ट्वीट करून राज यांच्या मृत्यूची बातमी दिली. खूप लवकर निघुन गेलात. आज सकाळी आपण चित्रपट निर्माता आणि निर्माता राज कौशल यांना गमावले. ते माझ्या माय ब्रदर निखिल, चित्रपट निर्मात्यांपैकी एक होते. आमच्या स्वप्नावर आणि विश्वास ठेवणाऱ्यांपैकी एक होते. देव त्याच्या आत्म्यास शांत करो.

राज कौशल कोण होते?

राज कौशल हे व्यवसायाने दिग्दर्शक आणि निर्माता होते. राजने एक अभिनेता म्हणून करिअरची सुरुवात केली. नंतर त्याने चित्रपट निर्मीतीच्या क्षेत्रात पाऊल ठेवले. राज कौशलने अॅंथोनी कौन है, शादी का लड्डू, प्यार में कभी कभी ’या चित्रपटांचे दिग्दर्शन केले होते. तर दुसरीकडे, माय ब्रदर ... निखिल, शादी का लड्डू आणि प्यार में कभी कभी भी या चित्रपटाची निर्मिती राज यांनी केली होती.

मंदिरा बेदी आणि राज कौशल यांचे फेब्रुवारी 1999 मध्ये लग्न झाले होते. 19 जून 2011 रोजी मंदिराने मुलगा वीरला जन्म दिला. गेल्या वर्षी 2020 मध्ये मंदिरा बेदी आणि राज यांनी 4 वर्षाची मुलगी दत्तक घेतली होती. तिचे नाव तारा बेदी कौशल आहे.

Edited By- Anuradha