Kili Paul and Neema Paul Viral Video: सातासमुद्रापार बहरला 'मधुमास नवा', किली आणि नीमाच्या सुंदर डान्सने जिंकलं चाहत्यांचं मन, पाहा व्हिडीओ

तांजानियाच्या किली पॉल आणि त्याच्या बहिणीला सुद्धा महाराष्ट्र शाहीर चित्रपटातील ‘बहरला मधुमास नवा’ गाण्याची भुरळ पडली आहे.
Kili Paul and Neema Paul Viral Video
Kili Paul and Neema Paul Viral VideoInstagram

Kili Paul and Neema Paul Viral Video: केदार शिंदे दिग्दर्शित ‘महाराष्ट्र शाहीर’ चित्रपटाची सध्या गेल्या अनेक दिवसांपासून चर्चा सुरू आहे. चित्रपटाच्या टीझरने आणि ट्रेलरने सर्वांचीच उत्सुकता कमालीची ताणून धरली आहे. हा चित्रपट येत्या २८ एप्रिलला सिनेमागृहात प्रदर्शित होणार आहे.

सध्या चित्रपटातील गाणे देखील सोशल मीडियावर चांगलेच व्हायरल होत आहे. चित्रपटातील सर्वात पहिलं गाणं ‘बहरला मधुमास नवा’ हे गाणं प्रदर्शित झालं होतं. या गाण्याची सध्या सोशल मीडियावर अनेकांना रिल्स बनवण्याचा मोह आवरत नाहीये. अगदी लहानांपासून तर मोठ्यांपर्यंत सर्वच मंडळी या गाण्यावर रिल्स बनवत आहे.

Kili Paul and Neema Paul Viral Video
Rashmi Patil Engagement : कारभारी लय भारी फेम रश्मीचा साखरपुडा संपन्न; पाहा कोण आहे तिचा जीवनसाथी

सध्या हे गाणं सोशल मीडियावर कमालीचं ट्रेंडमध्ये असून सना शिंदे आणि अंकुश चौधरी यांच्यावर हे गाणं चित्रित करण्यात आलं आहे. गाण्यात आली उमलून माझ्या गाली या ओळींवर सनाने सुंदर हुक स्टेप करत प्रेक्षकांच्या मनावर राज्य केले. ही हुक स्टेप सध्या सोशल मीडियावर चांगलीच व्हायरल होत असून तांजानियाच्या किली पॉल आणि त्याच्या बहिणीला देखील गाण्याची भुरळ पडली आहे. नुकतंच त्यांनी हा व्हिडीओ सोशल मीडियावर शेअर केला असून चांगलंच व्हायरल होत आहे.

Kili Paul and Neema Paul Viral Video
Aamir Khan On PM Modi: मोदींच्या ‘मन की बात’ मध्ये अमिर खानची एन्ट्री; पंतप्रधान मोदींबद्दल म्हणाला...

तांजानियाच्या किली पॉल आणि त्याच्या बहिणीला देखील या गाण्यावर व्हिडीओ बनवण्याचा मोह आवरलेला नाही. त्या गाण्यावर दोघेही बहिण- भावांनी सना शिंदेसारख्या हूक स्टेप करत प्रेक्षकांचे मन जिंकले. किली आणि नीमाचा हा व्हिडीओ सध्या सोशल मीडियावर व्हायरल होत असून अंकुश चौधरी, सना शिंदे, केदार शिंदे यांनी हा व्हिडीओ त्यांच्या सोशल मीडिया अकाऊंटवर शेअर केला आहे. या व्हिडीओवर अनेक युजर्सने कमेंटच्या माध्यमातून आपले प्रेम व्यक्त केले आहे.

युजर्स म्हणतात, ‘मस्त डान्स केला नीमा ताई आणि किली भाऊ’, ‘भाऊ तू मराठी प्रेक्षकांना खूश केल्याबद्दल तुला प्रेमाचा जय महाराष्ट्र’ अशा कमेंट्स मराठी युजर्सने केल्या आहेत. किली पॉल आणि नीमा या बहिण- भावाने नेहमीच आपल्या डान्सने चाहत्यांचे लक्ष वेधले. त्यांचे इन्स्टाग्रामवर ५ मिलियन फॉलोअर्स आहेत. मध्यंतरी किली पॉलला भारतात आमंत्रित करण्यात आलं होतं. यावेळी त्याने माधुरी दिक्षित, नोरा फतेही अशा अनेक सेलिब्रिटींसह डान्सचा आनंद घेतला होता.

Kili Paul and Neema Paul Viral Video
Unlock Zindagi Poster: लॉकडाऊनच्या भयान आठवणींना उजाळा देणार ‘अनलॅाक जिंदगी’; अंगावर शहारा आणणारे पोस्टर प्रदर्शित

या गाण्याला आतापर्यंत लाखोच्या आसपास व्ह्यूज मिळाले आहेत. सोबतच इन्स्टाग्रामवरही या गाण्याच्या अनेक व्हिडीओज बऱ्याच आहेत. येत्या २८ एप्रिलला ‘महाराष्ट्र शाहीर’ हा सिनेमा संपूर्ण महाराष्ट्रात प्रदर्शित होत आहे. अभिनेता अंकुश चौधरी सिनेमात शाहीरांच्या प्रमुख भूमिकेत आहे. तर सना शिंदे शाहीरांची पत्नी भानुमती साबळे यांचे पात्र साकारणार आहे. अजय-अतुल यांचं संगीत सिनेमाला लाभलं आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com