Chief Minister Eknath Shinde Latest News: संगीतकार, गायक, निर्माता आणि दिग्दर्शक अवधूत गुप्ते याचा ‘खुपते तिथे गुप्ते’ हा शो टेलिव्हिजन विश्वासह सर्वत्र कमालीचा चर्चेत राहिला. काही वर्षांपुर्वी सुरू झालेल्या शोचा येत्या ४ जूनपासून नवा सीझन प्रेक्षकांच्या भेटीला येणार आहे. ‘खुपते तिथे गुप्ते’च्या आगामी सीझनमध्ये पहिली व्यक्ती मनसे अध्यक्ष राज ठाकरे हजेरी लावणार असल्याची घोषणा काही दिवसांपुर्वीच झाली होती. आगामी भागात अवधुत गुप्तेच्या ‘खुपते तिथे गुप्ते’ शोमध्ये आगामी भागात मुख्यमंत्री एकनाथ शिंदेंनी हजेरी लावली होती. यावेळी मुख्यमंत्र्यांनी जवळची व्यक्ती कोण यावर स्पष्ट उत्तर दिलंय...(Latest Entertainment News)
अवधुत गुप्तेच्या ‘खुपते तिथे गुप्ते’ या शोचे गेले दोन्हीही सीझन राजकारण्यांमुळे कमालीचे चर्चेत राहिले आहेत. आता या सीझनमध्ये देखील राजकारण्यांसह इतर क्षेत्रातील मंडळींच्या येण्यानं हा शो चर्चेत राहिल काही शंका नाही. राज्याचे मुख्यमंत्री एकनाथ शिंदे यांच्या मुलाखतीचा टीझर नुकताच सोशल मीडियावर शेअर करण्यात आला आहे. यामध्ये अवधूत गुप्ते मुख्यमंत्र्यांना जर तुम्हाला एक कॉल करायाचा असेल तर; पहिला कॉल कोणाला कराल, आनंद दिघे की बाळासाहेब ठाकरे? असा प्रश्न तो विचारतो.
यावर मुख्यमंत्री एकनाथ शिंदे अवधूतला उत्तर देत म्हणतात, ‘अरे अवधूत दोघांनाही कॉन्फरन्स कॉल केला तर चालेल का?’ असं विचारत टीझर संपतो. याच प्रश्नावर मुख्यमंत्री अवधुतला काय उत्तर देणार याची सर्वांनाच उत्सुकता आहे.
अवधुत गुप्तेच्या या कार्यक्रमात मुख्यमंत्री एकनाथ शिंदेंच्या खासगी आणि राजकीय आयुष्यात अनेक घटनांना आणि गोष्टींवर अवधुत बोलतं करणार आहे. त्याचप्रमाणे राज्यातील चालू राजकीय स्थितीवर देखील त्यांची मते मांडणार आहेत. त्यामुळे आता एकनाथ शिंदे नेमकं या शोमध्ये काय बोलणार, मनातल्या गोष्टी कोणाला सांगणार? याकडं प्रेक्षकांचं लक्ष लागलं आहे.
‘खुपते तिथे गुप्ते’ या शोची घोषणा झाल्यापासून अवधुतचे चाहते कमालीचे उत्सुक आहेत. या पर्वात कोणकोणत्या दिग्गज चेहेऱ्यांना भेटता येणार, कोणाच्या मनात काय खुपतंय? हे जाणून घेण्यासाठी सारेच उत्सुक आहेत. या नव्या पर्वाच्या पहिल्या भागत मनसे अध्यक्ष राज ठाकरे हजेरी लावणार आहेत. तर दुसऱ्या भागात राज्याचे मुख्यमंत्री एकनाथ शिंदे उपस्थित राहणार आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
