khatron ke khiladi 15: प्रसिद्ध दिग्दर्शक रोहित शेट्टी होस्ट करत असलेला लोकप्रिय स्टंट रिअॅलिटी शो ‘खतरों के खिलाडी १५’ पुन्हा एकदा प्रेक्षकांच्या भेटीला येण्यासाठी सज्ज झाला आहे. २०२५ मध्ये काही कारणांमुळे थांबलेला हा शो आता नव्या सीझनसह धमाकेदार कमबॅक करत असल्याने चाहत्यांमध्ये मोठी उत्सुकता निर्माण झाली आहे.
‘खतरों के खिलाडी १५’ या नव्या सीझनसाठी अधिकृत स्पर्धकांची यादी जाहीर झालेली नसली, तरी सोशल मीडियावर आणि विविध रिपोर्ट्समध्ये काही नावांची जोरदार चर्चा सुरू आहे. या यादीत अनेक लोकप्रिय रिअॅलिटी शो स्टार्स आणि टीव्ही सेलिब्रिटींचा समावेश असल्याच्या चर्चा सोशल मीडीयावर रंगल्या आहेत.
समोर आलेल्या माहितीनुसार बिग बॉस फेम विनर गौरव खन्ना, रनरअप फरहाना भट्ट, सोशल मीडिया सेंसेशन तान्या मित्तल, अविनाश मिश्रा, चुम दरंग, दिग्विजय राठी, श्रुतिका अर्जुन आणि मनीषा राणी यांसारख्या नावांची चर्चा जोरात आहे.
'राइज एंड फॉल' आणि 'द 50' यांसारख्या शोमधील स्पर्धक असलेल्या अरबाज पटेललाही या शोसाठी विचारण्यात आले आहे. याशिवाय बेसर अली, अभिषेक बजाज आणि इतर काही सेलिब्रिटींचीही या शोसाठी निवड होण्याची शक्यता वर्तवली जात आहे.
विशेष म्हणजे, या यादीतील अनेक कलाकारांनी याआधी बिग बॉससारख्या लोकप्रिय रिअॅलिटी शोमध्ये भाग घेतला असून त्यांनी तिथे दमदार कामगिरी केली आहे. त्यामुळे ‘खतरों के खिलाडी १५’मध्ये त्यांच्यातील धाडस पाहायला मिळणार आहे. हा शो जून 2026 च्या सुमारास सुरू होण्याची शक्यता असून शूटिंग मे महिन्यात सुरू होणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.