Kangana Ranaut Angry Reaction : रणबीर कपूर 'दुर्योधन', करण जोहर 'शकुनीमामा' ; कंगना रनौतला इतका राग का येतो?

Kangana Ranaut On Bollywood: अभिनेत्री कंगना रनौत बॉलिवूडवर निशाणा साधण्याची एकही संधी सोडत नाही. नुकतंच तिने रणबीर कपूरला ट्विट करता विरोध केला होता. रणबीर नितेश तिवारी दिग्दर्शित रामायण या चित्रपटात रामाच्या भूमिकेत दिसणार असल्याची चर्चा आहे. आता कंगना या चित्रपटाच्या संपूर्ण कास्टिंगलाच लक्ष केले असून सगळ्यांना टोमणे मारले आहेत.

कंगनाने रणबीर कपूरचे नाव न घेता त्याला पांढरा उंदीर म्हटले होते. कंगनाने पुन्हा एकदा रणबीरला टोला लगावला आहे. तर करण जोहरलाही कंगनाने या टीकेत खेचले आहे.

कंगना रनौतने तिच्या इन्स्टाग्राम स्टोरीवर काही पोस्ट शेअर केल्या आहेत. ज्यामध्ये तिने स्टार्सच्या नावांबद्दल हिंट्स देत बरंच काही लिहिलं आहे. अभिनेत्रीने करण जोहरला महाभारतातील शकुनी मामा आणि रणबीर कपूरला दुर्योधन म्हटले आहे. कंगनाचं असं म्हणणं आहे की, ते दोघेही तिच्याबद्दल खूप चुकीचं बोलतात आणि अफवा पसरवतात.

कंगनाने रणबीर आणि करणवर असाही आरोप केला आहे की, जेव्हा तिची आणि हृतिकमध्ये भांडणे सुरू होती तेव्हा दोघेही रेफरी बनून मजा घेत होते. जेव्हा हातात सत्ता येईल तेव्हा या दोघांची बेकायदेशीर कामं बाहेर काढेन, असेही कंगना म्हणाली आहे.

कंगनाने तिच्या पोस्टमध्ये रणबीर आणि करणबद्दल म्हटले आहे की, जेव्हा तिच्या हाती सत्ता येईल तेव्हा ती डार्क वेब, हेरगिरी आणि हॅकिंगसारख्या अवैध गोष्टींचा उघड करेल. करण जोहर आणि रणबीर कपूर यांनी सुशांत सिंग राजपूतला आत्महत्या करण्यास प्रवृत्त केल्याचा दावाही कंगनाने केला आहे.

दोघांसाठी कंगनाने लिहिले की, तिच्या आयुष्यात आणि करिअरमध्ये त्यांची (कारण आणि रणबीरची) ढवळाढवळ सहनशक्तीच्या पलीकडे आहे.

कंगनाच्या मते, सोशल मीडियाच्या ताकदीमुळे कोणाचाही आवाज दाबला जाऊ शकत नाही. कंगनाने मीडियावरही अनेक प्रश्न उपस्थित केले. कंगनाने म्हटले आहे की, रणबीर याआधी शिव झाला होता, त्याचा चित्रपट कोणीही पाहिला नाही. आता रणबीर राम बनण्याचा विचार करत आहे. तो रावण आहे. काय कलियुग आहे ?