...असाच वेडा राहा; मृण्मयी देशपांडेच्या 'चॉकलेट बॉय'ला बर्थ डेच्या हटके शुभेच्छा

मुंबई : मराठी चित्रपटसृष्टीतील चुलबुली अभिनेत्री मृण्मयी देशपांडे सोशल मिडीयावर नेहमीच काही ना काही पोस्ट करत असते. तिचा सोशल मीडियावर बराच मोठा चाहता वर्ग आहे. मृण्मयी अनेकदा तिची बहिणं गौतमीसोबत मजेदार व्हिडीओ सोशल मिडीयावर शेअर करत असते. हे व्हिडीओ वेगाने सोशल मिडीयावर व्हायरल होतं असतात. याचबरोबर मृण्मयी तिचे फोटोशूट आणि फिटनेसचे व्हिडियो देखील शेअर करत असते. आता देखील तिने आपल्या लाडक्या मित्राला वाढदिवसाच्या शुभेच्या देणारी पोस्ट शेअर केली आहे.

आज मराठी चित्रपट सृष्टीतील चॉकलेट बॉय म्हणून ओळखला जाणारा अभिनेता सिद्धार्थ चांदेकरचा वाढदिवस आहे. त्याला शुभेच्छा देणारी एक पोस्ट मृण्मयी देशपांडेने सोशल मीडियावर पोस्ट केली आहे. तिने त्या दोघांचा खूप जुना फोटो पोस्ट करून त्याखाली कॅप्शन मध्ये लिहिले आहे की , 'आपण असे दिसत असल्यापासून ते आज पर्यंत... आपण आहोत आणि कायम असणार आहोत...माझ्या लाडक्या मित्रा...वाढदिवसाच्या खूप खूप शुभेच्या...असाच वेडा राहा...मोठा नको होऊस...आणि माझं तुझ्यावर खूप खूप प्रेम आहे'.

मृण्मयीने शेअर केलेल्या फोटोमध्ये सिद्धार्थ तिच्याकडे गोंधळात पडलेला चेहऱ्याने बघत आहे. तर मृण्मयी त्याला काही तरी समजावतं आहे. या त्यांच्या फोटोवर चाह्त्यांसोबत कलाकारांनी देखील कॉमेंट केली आहे. आदिनाथ कोठारेने कॉमेंट केली की, आणि तो आजही तुझ्याकडे असाच बघतो'. तर तिच्या चाहत्यांनी लिहिले की, 'मनाच्या कोपऱ्यात असलेल्या सुखद साठवणी, आयुष्यात शेवटपर्यंत सोबत राहण्याच्या आठवणी, तुमची मैत्री कायम अशीच राहो'.

मृण्मयीच्या कामाबद्दल बोलयचे तर, तीने अलीकडेच 'चंद्रमुखी'या चित्रपटात दमयंती दौलत देशमानेही महत्वपूर्ण भूमिका साकारली होती. तर सिद्धार्थ चांदेकर याने 'झिम्मा' या चित्रपटात अखेरचे काम केले आहे.

Edited By - Shruti Kadam