Housefull 5 Box Office Collection : अक्षय कुमारच्या 'हाऊसफुल 5'ची बॉक्स ऑफिसवर यशस्वी घोडदौड सुरूच, ११व्या दिवशी कमावले 'इतके' कोटी

अक्षय कुमार, रितेश देशमुख आणि नाना पाटेकर यांचा कॉमेडी चित्रपट 'हाऊसफुल 5' (Housefull 5) सध्या बॉक्स ऑफिसवर धुमाकूळ घालत आहे. या चित्रपटाने खूप कमी वेळात मोठे यश मिळवले आहे. 'हाऊसफुल 5' चित्रपट 6 जूनला प्रेक्षकांच्या भेटीला आला. या चित्रपटातील गाणी सोशल मीडियावर खूप गाजत आहे.

'हाऊसफुल 5' चित्रपटातील अक्षय कुमारच्या कॉमेडीला प्रेक्षकांकडून उत्तम प्रतिसाद मिळत आहे. 'हाऊसफुल 5' नं दुसऱ्या सोमवारी किती कोटींचा व्यवसाय केला, जाणून घेऊयात. 'हाऊसफुल 5' हा 'हाऊसफुल' फ्रँचायझीचा 5 वा भाग आहे. या चित्रपटात फुल कॉमेडी आणि ॲक्शन पाहायला मिळत आहे.

चित्रपटाने रिलीजच्या पहिल्या आठवड्यात 127.25 कोटी रुपयांची कमाई केली आहे. आता चित्रपट दुसऱ्या आठवड्यात कोणती कमाल करणार हे पाहणे महत्त्वाचे ठरणार आहे. 'हाऊसफुल 5' लवकरच आपले बजेट देखील वसूल करणार आहे.

'हाऊसफुल 5' बॉक्स ऑफिसवर कलेक्शन दिवस 11

• दिवस पहिला - 24 कोटी रुपये

• दिवस दुसरा - 31 कोटी रुपये

• तिसरा दिवस - 32.5 कोटी रुपये

• चौथा दिवस - 13 कोटी रुपये

• पाचवा दिवस - 11.25 कोटी रुपये

• सहावा दिवस - 8.5 कोटी रुपये

• सातवा दिवस - 7 कोटी रुपये

• आठवा दिवस - 6 कोटी रुपये

• नववा दिवस - 9.5 कोटी रुपये

• दहावा दिवस - 11 कोटी रुपये

• अकरावा दिवस - 4.25 कोटी रुपये

• एकूण - 158.50 कोटी रुपये

'हाऊसफुल 5' दोन वेगवगेळ्या क्लायमॅक्ससाठी ओळखला जातो. 'हाऊसफुल 5'ची निर्मिती साजिद नाडियादवाला यांनी केली आहे. तर चित्रपटाचे दिग्दर्शन तरुण मनसुखानी यांनी केले आहे. अक्षय कुमारसोबत 'हाऊसफुल 5'मध्ये रितेश, अभिषेक, जॅकलीन फर्नांडिस, नर्गिस फाखरी, नाना पाटेकर, श्रेयस तळपदे, संजय दत्त , फरदीन खान आणि जॅकी श्रॉफ या कलाकार पाहायला मिळत आहेत.