शाहरुख खानचा जवान चित्रपट या महिन्याच्या ७ तारखेला प्रदर्शित झाला. या चित्रपटाला बॉक्स ऑफिसवर कमाल प्रतिसाद मिळत आहे. प्रेक्षकांसह सेलिब्रिटी देखील चित्रपटाचे भरभरून कौतुक करत आहेत.
अभिनेत्री हेमांगी कवी नुकतीच हा चित्रपट पाहण्यासाठी चित्रपटगृहात गेली होती. अभिनेत्रीने हा चित्रपट खूप एन्जॉय केले असल्याचे दिसत आहे. हेमांगी 'जवान'मधील गाण्यावर थिरकताना दिसली.
हेमांगी कवीने तिच्या सोशल मीडियावर 'जवान'च्या गाण्यावर नाचताना व्हिडीओ शेअर केला आहे. 'चलेया' हे 'जवान' चित्रपटातील एक रोमँटिक गाणे आहे. या गाण्यावर हेमांगी कवी डान्स करत आहे. हा व्हिडीओ स्टोरीला शेअर करत हेमांगीने लिहिले आहे की, 'स्वतः थांबवू शकले नाही.' तसेच तिने शाहरूख खान, अॅटली आणि 'जवान'चे संगीतकार अनिरुद्ध रविचंदर यांना हा व्हिडीओ टॅग केले आहे.
यासह हेमांगी कवीने 'जवान' चित्रपटातील शाहरुख खानचा फोटो हार्ट इमोजीसह शेअर केला आहे. तसेच गिरीजा ओकचा 'जवान'मधील फोटो शेअर करत तिचे कौतुक केले आहे.
'जवान' चित्रपटाविषयी
दाक्षिणात्य चित्रपट दिग्दर्शक अॅटली यांनी 'जवान'चे लेखन आणि दिग्दर्शन केले आहे. या चित्रपटामध्ये शाहरुख खान, नयनतारा, विजय सेतूपती, प्रियामनी, दीपिका पदुकोण, संजय दत्तसह अनेक कलाकार आहेत. या चित्रपटाने पहिल्या दिवशीच ७५ कोटींचे कलेक्शन केले आहे. तर आता हा चित्रपट ७०० कोटींच्या क्लबमध्ये प्रवेश करण्यासाठी सज्ज आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.