Aditi And Siddharth : लग्नाआधीच प्रसिद्ध अभिनेत्री नवऱ्यासोबत गेली फिरायला; रोमॅंटिक फोटो केले शेअर

बॉलिवूड अभिनेत्री आदिती राव हैदरी नेहमीच कोणत्या ना कोणत्या कारणामुळे चर्चेत राहते. गेल्या काही दिवसांपासून आदिती कधी आपल्या पर्सनल लाईफमुळे तर कधी आपल्या प्रोजेक्टमुळे चर्चेत राहत आहे. आदिती आणि सिद्धार्थने मार्च महिन्यात गुपचूप साखरपुडा आटोपला. त्यानंतर सध्या हे कपल एकत्र टाईम स्पेंड करीत आहे. दोघेही एकत्रित सुट्ट्यांचा आनंद घेत आहेत. नुकतेच आदितीने इन्स्टाग्रामवर रोमँटिक फोटो शेअर केले आहेत.

आदिती आणि सिद्धार्थने गेल्या काही दिवसांपूर्वी तेलंगणाच्या ४०० वर्षे जुन्या मंदिरात साखरपुडा केला. त्यानंतर या कपलने एक फोटो शेअर करत चाहत्यांना गुडन्यूज दिली आहे. आता चाहते सध्या त्यांच्या लग्नासाठी उत्सुक आहेत. अशातच अभिनेत्रीने दोघांचेही काही रोमँटिक फोटो शेअर केले आहेत. दोघेही सध्या सुट्टीचा आनंद लुटत आहे. शेअर केलेल्या फोटोंमध्ये हे दोघेही नेमके कुठे फिरायला गेले आहेत, हे काही कळत नाही. पण सध्या आदिती आणि सिद्धार्थ निसर्गाच्या कुशीत सुट्टीचा आनंद घेत आहेत.

शेअर केलेल्या फोटोंमध्ये दोघांनीही अगदी सिंपल अंदाज केलेला दिसत आहे. सध्या दोघांच्याही फोटोंवर चाहते प्रेमाचा वर्षाव करीत आहे. आदितीने दोघांचेही फोटो शेअरल करताना, ‘#ग्रेटफुल’ असं कॅप्शन दिलं आहे. दोघांचे हे फोटो सध्या सोशल मीडियावर तुफान व्हायरल होत आहेत. गेल्या अनेक दिवसांपासून दोघेही एकमेकांना डेट करत असून त्यांनी कधीच दोघांचं नातं जगापासून लपवून ठेवलं नाही. अनेकदा ते एकत्र स्पॉटही झाले आहेत.