Bigg Boss 18 : 'जयश्री आय लव्ह यू...' बिग बॉसच्या घरात सदावर्तेंनी सांगितली आपली प्यारवाली लव्हस्टोरी

'बिग बॉस 18' (Bigg Boss 18 ) पर्व एका आठवड्यातच सर्वत्र गाजत आहे. घरातील सदस्यांनी घरात धुमाकूळ घातला आहे. गुणरत्न सदावर्तेंचा (Gunratan Sadavarte ) घरात अनोखा अंदाज पाहायला मिळत आहे. गुणरत्न सदावर्ते हे बिग बॉसच्या घरात आपल्या बायकोला खूप मिस करत आहे. त्यांना पत्नी जयश्री यांची खूप आठवण येत आहे. त्यांनी नुकताच आपल्या पत्नीची आठवण काढून त्यांची लव्हस्टोरी सांगितली आहे.

बिग बॉसच्या प्रोमोमध्ये तुम्ही पाहू शकता की, गुणरत्न सदावर्ते हे आपल्या बायकोसाठीचं प्रेम व्यक्त करत आहेत. ते म्हणतात की, एमएचं शिक्षण घेत असताना आम्ही दोघ एकमेकांवर प्रेम करत होतो. आम्ही एकत्र अजिंठा वेरुळची लेणी फिरलो आहोत. त्यामुळे बिग बॉसच्या घरात फिरताना मला आमच्या जुन्या अनेक गोष्टी आठवतात. आम्ही सुट्टीच्या खोट सांगून फिरायला जायचो. तिच्या गाडीवर तिला घट्ट पकडून बसायचो आणि आम्ही दोघ खूप मज्जा करायचो.

गुणरत्न सदावर्ते हे आपली लव्हस्टोरी सांगताना शिल्पा शिरोडकर यांनी विचारले की, "तुमचं लग्न किती वर्षांपूर्वी झालं?" यावर सदावर्ते यांनी उत्तर दिलं की, "1997-1998 मध्ये प्रेम झालं आणि 2007 साली आम्ही लग्न केलं. मला दोन मुलं आहेत. मला फक्त जयश्री आवडते. तिला सोडून दुसरं कोणी चांगल वाटत नाही. आम्ही खूप फिरतो आणि भांडतो सुद्धा. ती तर मला खूप मारते पण तरीही मला त्याचं वाईट वाटत नाही. जयश्री माझ्यासारखी डॅशिंग आहे. मारामारी, जेल सगळं करते. मी फक्त तिच्यावर प्रेम करतो" असे बोलून सदावर्ते हे उठून जोरात बोलतात की, "जयश्री आय लव्ह यू." गुणरत्न सदावर्ते हे पहिल्याच आठवड्यात नॉमिनेट झाले आहेत. आता या आठवड्यात कोण घराबाहेर पडणार हे पाहणे मनोरंजक ठरणार आहे.