Fu Bai Fu: 'फू बाई फू'ने बोजा बिस्तारा आवरला, समोर आले 'हे' कारण

Fu Bai Fu: गेल्या काही दिवसांपूर्वी झी मराठीवर अनेक नव नवे आशयाचे चित्रपट प्रेक्षकांच्या भेटीला आले होते. त्यातील एक कार्यक्रम म्हणजे 'फू बाई फू'. या कार्यक्रमाचा चाहता वर्ग बराच मोठा आहे. 2010 या वर्षात सुरु झालेला हा कार्यक्रम अजूनही प्रेक्षकांच्या मनात अढळ स्थान निर्माण करत आहे. त्याची क्रेझ अजूनही प्रेक्षकांच्या मनात कायमच आहे. मराठीतील असे बरेच कार्यक्रम आहेत त्याचा प्रेक्षकवर्ग मराठीसह इत्यादी भाषिकही आहेत. त्यातील एक कार्यक्रम म्हणजे, 'फू बाई फू'.

एके काळी 'फू बाई फू' हा कार्यक्रम काही नव्या- नवख्या विनोदवीरांना घेत सुरु केलेल्या या कार्यक्रमानं त्यावेळी अनेक मालिकांना आव्हान दिले होते. हे नवखे विनोदवीर आजही प्रेक्षकांचे निखळ मनोरंजन करत आहेत. सध्याच्या स्पर्धेच्या युगात 'फू बाई फू'ने आपली दहशत निर्माण केली आहे हे बोलणे वावगे ठरणार नाही.

या कार्यक्रमाने अनेक भाग गाजवले आहेत. तब्बल ९ वर्षांनी हा कार्यक्रम पुन्हा नव्या कोऱ्या थीमसह कार्यक्रम वाहिनीने आणला तेव्हा हास्यरसिक भलतेच आनंदीत होते. कार्यक्रमाची घोषणा झाली तेव्हा सर्वत्र मोठा गाजावाजा केला गेला. पण आता बातमी समोर येतेय की कार्यक्रम अर्ध्यातच आवरता घेणार आहेत. चला थोडक्यात कारण जाणून घेऊया.

ओमकार भोजने, भूषण कडू, सागर कारंडे, नेहा खान, पॅडी कांबळे, प्राजक्ता हनमकर, कमलाकर सातपुते, माधवी जुवेकर आणि इ... अशा अनेक विनोदवीरांसह हा कार्यक्रम तब्बल ९ वर्षांपूर्वी प्रेक्षकांचे मनोरंजन करण्यासाठी सज्ज झाले होते. 'फू बाई फू' हा कार्यक्रम झी मराठीवर प्रसारित करण्यात येतो.

अवघ्या महिनाभरात कार्यक्रमाला गुंडाळले जात आहे, या बातमीला सध्या सोशल मीडियावर बरीच चर्चा होत आहे. खरं याचे कारण म्हणजे, झी मराठीवर नव्याने येऊ घातलेल्या दोन मालिका आणि 'फू बाई फू'ला प्रेक्षकांकडून म्हणावा तसा प्रतिसाद मिळत नसल्याने कार्यक्रम बंद करण्याची सध्या वेळ आली आहे.

या कार्यक्रमामध्ये उमेश कामत आणि निर्मिती सावंत परिक्षक म्हणून आहेत, तर वैदेही परशुरामी कार्यक्रमाचे सूत्रसंचालनाची धुरा सांभाळली आहे. 'फू बाई फू' हा कार्यक्रम तब्बल ९ वर्षांनी झी मराठी वाहिनीवर ३ नोव्हेंबर,२०२२ रोजी सुरू झाला होता. सध्या तरी मिळालेल्या माहितीनुसार, या कार्यक्रमाची अखेरची शूटिंग ८ डिसेंबर २०२२ पर्यंत चालणार आहे अशी चर्चा होत आहे.

अवघ्या काही दिवसांत 'फू बाई फू' प्रेक्षकांचा निरोप घेणार आहे. 'फू बाई फू' च्या इतिहासात हे पहिल्यांदाच घडत असून त्यात अनेक मातब्बर कलाकार आपले जुने काही शो सोडून 'फू बाई फू' मध्ये आले होते. याची चर्चा बरीच सोशल मीडियावर होत होती. सध्या तरी म्हणावा तसा टीआरपी कार्यक्रमाला मिळत नाही म्हणून कार्यक्रम गुंडाळला गेला असावा असंच कारण समोर येत आहे.