Sharad Kelkar And Prabhas Upcomimg Movie: शरद केळकर पुन्हा बनला प्रभासचा आवाज

मुंबई: बाहुबली चित्रपटानंतर अभिनेता शरद केळकर आता आदिपुरुष चित्रपटात प्रभासला आवाज देणार आहे. अलीकडेच शरदने प्रभाससोबत दुसऱ्यांदा काम कारण्याविषयी सांगितले होते.

शरद केळकरने दिलेल्या एका मुलाखतीत त्याने आदिपुरुषाच्या निर्मितीविषयी सांगितले आहे, “मी आदिपुरुषसाठी खूप उत्सुक आहे. त्यात मी आणि ओम (दिग्दर्शक ओम राऊत) तान्हाजी चित्रपटानंतर पुन्हा एकत्र काम करत आहोत.

भारतातील प्रत्येकासाठी श्रीरामाचा आवाज असणे ही अभिमानाची बाब आहे. श्री रामचा आवाज होण्याचे भाग्य मला मिळाले आहे आणि मला ही संधी दिल्याबद्दल मी ओमचा आभारी आहे. मी अशा करतो की मला पुन्हा एकदा चांगली कामगिरी करण्यासाठी श्री रामकडून थोडी ताकद मिळेल.”

आदिपुरुषचा टीझर काही दिवसांपूर्वी रिलीज झाला आहे. व्हीएफएक्सपासून ते सैफ अली खानने साकारलेल्या रावणाच्या भूमिकेपर्यंत नेटिझन्सनी टीका केली आहे.

शरद केळकरला बाहुबली या चित्रपटाविषयी विचारले तेव्हा तो म्हणाले, “बाहुबलीने एक अभिनेता म्हणून माझ्यासमोर एक वेगळा दृष्टीकोन आणला आणि आवाजही असा प्रभाव टाकू शकतो हे सिद्ध झाले. मला बाहुबलीचा आवाज असे विशेषण मिळाले आहे. एवढ्या मोठ्या चित्रपटाचा भाग बनणे नेहमीच छान असते आणि याचा सर्वाधिक आनंद मला होता. मला राजामौली सरांसोबत काम करण्याची संधी मिळाली आणि हीच सर्वात मोठी सर्वकाही आहे." (Movie)

शरद केळकर सध्या त्याच्या आगामी मराठी चित्रपट 'हर हर महादेव'च्या तयारीत व्यस्त आहेत. या चित्रपटात सुबोध भावे, अमृता खानविलकर आणि सायली संजीव यांच्याही प्रमुख भूमिका आहेत. 25 ऑक्टोबरला चित्रपटगृहात हा चित्रपट प्रदर्शित होणार आहे.