Bigg Boss 16: साजिद खान आणि अब्दु रोजिक नुकतेच 'बिग बॉस 16'च्या घरातून बाहेर पडले आहे. बिग बॉसच्या घरात असताना अब्दूला चाहत्यांचे खूप प्रेम मिळाले. आता बिग बॉसमधून बाहेर पडल्यानंतरही त्याला चाहत्यांचे प्रेम मिळत आहे. अलीकडेच प्रसिद्ध कोरिओग्राफर फराह खाननेही अब्दू रोजिक आणि साजिद खानसोबत खास फोटो शेअर केले आहेत. या दोघांनाही फराहनने बिग बॉसच्या घरातून बाहेर आल्याने खास पार्टी दिली आहे.
नुकताच फराह खानने तिच्या इंस्टाग्राम अकाउंटवरुन काही फोटो शेअर केले आहेत. फराहने तिच्या अधिकृत इंस्टाग्राम अकाउंटवरून तीन फोटो शेअर केले आहेत, ज्यामध्ये ती अब्दु आणि साजिद खान हे तिघंही एकत्र दिसत आहे. फोटोत फराह, अब्दुल आणि साजिद पोज देताना दिसत असून टेबलवर बर्गर आणि फ्रेंच फ्राईज ठेवलेले आहेत.
तर, दुसऱ्या फोटोत अब्दू आणि फराह खास पोज देत फोटो काढताना दिसून येत आहे. या फोटोंसोबत फराह खानने कॅप्शनमध्ये लिहिले आहे की, 'बिग बॉसच्या या सीझनमधील माझे आवडते स्पर्धक, फक्त आपले मन जिंकणे महत्वाचे आहे.' फराह खानच्या या पोस्टवर मलायका अरोरा, भावना पांडे आणि काश्मिरी शाह यांच्यासह अनेक सेलिब्रिटींनी प्रतिक्रिया दिल्या आहेत. याशिवाय यूजर्सकडून रंजक फीडबॅकही येत आहेत.
एका यूजरने लिहिले की, 'बिग बॉसच्या घरात तुमची नक्कीच आठवण येईल.' दुसर्‍या यूजरने लिहिले, 'चांगली बोलली फराह.' तर आणखी एक युजर म्हणतो, 'तुम्ही दोघांनी बिग बॉसच्या घरात आग लावली.' आणखी एक युजर म्हणतो, 'बिग बॉसच्या या सीझनमध्ये दोघांनीही चाहत्यांचे मन जिंकले आहे.'
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.