Actress Casting Couch: 'पुरुषांची पार्टी आहे, एकटी ये...'; प्रसिद्ध अभिनेत्रीकडे सुपरस्टार हिरोने केली नको ती मागणी

Actress Casting Couch: शक्तीमान या फेमस टीव्ही मालिकेतील गीता विश्वासच्या भूमिकेसाठी प्रेक्षकांची मनात घर करणारी अभिनेत्री वैष्णवी मॅकडॉनल्डने तिच्या कारकिर्दीच्या सुरुवातीच्या काळातील कास्टिंग काऊच अनुभवाबद्दल मोठा खुलासा केला आहे.

वैष्णवीने सांगितले की तिच्या करिअरच्या सुरुवातीस एका बिग बजेट चित्रपटात मुख्य भूमिका देण्यात आली होती आणि त्या चित्रपटाची पोस्टर व बॅनर्सही तयार झाले होते. पण काही काळानंतर तीला अचानक चित्रपटातून काढून टाकण्यात आले. वैष्णवीने सिद्धार्थ कननला दिलेल्या मुलाखतीत सांगितले की हे सर्व कॉम्प्रोमाइज न केल्यामुळे घडले.

वैष्णवी म्हणाली, संध्याकाळच्या वेळी ये जरा, फक्त पुरुष बसले आहेत, ड्रिंक्स करत आहेत, प्लीज ये, असं तो म्हणाला. माझी आई माझ्यासोबत नेहमी राहायची. ती गोष्ट त्याला खूप खटकायची. माझी आई मला कधीच एकटं सोडत नव्हती. मी तिच्यासोबतच राहायचे. मला सेटवर सोडायला आणि न्यायलासुद्धा तीच यायची ही गोष्ट त्याला नाही आवडली. मी त्या हिरोला जेव्हा कॉम्प्रमाइज करण्यास नकार दिला, तेव्हा त्याला खूप वाईट वाटलं होतं. त्याने थेट दिग्दर्शक आणि निर्मिती संस्थेशी बोलून मला चित्रपटातून काढून टाकण्याचा निर्णय घेतला.”

वैष्णवीने खुलासा केला की त्या अडथळ्यामुळे त्यांनी चित्रपटांमध्ये काम करण्यापासून लांब राहिली आणि त्याच काळात 'शक्तीमान' मालिकेची ऑफर मिळाली. यामुळे तिचा करिअरचा मार्ग पूर्णपणे बदलला. ती नंतर टीव्ही क्षेत्रात सक्रिय झाली आणि अनेक मालिकांमध्ये काम करून चांगली ओळख मिळवली.