Emiway Bantai Wedding: एमीवे बंटाई चढला बोहल्यावर; पहा कोणासोबत केलं लग्न!

Emiway Bantai Wedding: बॉलीवूडमधून आणखी एक मोठी आनंदाची बातमी आली आहे. गायक दर्शन रावल यांच्यानंतर आता प्रसिद्ध रॅपर एमीवे बंटाई यांनेही लग्न केले आहे. रॅपरने स्वतः चाहत्यांना त्याच्या लग्नाची बातमी दिली आहे. त्याच्या लग्नाचे काही फोटो इंटरनेटवर व्हायरल झाले आहेत. एमीवे बंटाईने अचानक लग्न केलेले पाहून चाहत्यांना आश्चर्याचा सुखद धक्का बसला आहे. त्याच वेळी, त्याच्या काही फिमेल चाहत्यांना वाईटही वाटलं आहे.

रॅपर एमीवे बंटाईच्या लग्नाचे फोटो व्हायरल

रॅपर एमीवे बंटाई याने इंस्टाग्रामवर एक पोस्ट शेअर केली आहे. या फोटोमध्ये तो फुलांनी डिझाइन केलेल्या शेरवानीमध्ये दिसत आहे. सनग्लासेस घालून, रॅपरने त्याच्या नववधू स्वालिनासोबत आनंद साजरा करताना दिसत आहे. स्वलिनाने देखील फ्लोरल गुलाबी रंगाचा लेहंगा परिधान केला आहे. लाईट मेकअप, पारंपारिक दागिने आणि सनग्लासेससह, स्वालिना खूपच सुंदर दिसत आहे. दोघेही एकत्र खूप आनंदी दिसत आहेत.

रॅपर एमीवे बंटाईची बायको स्वालीना कोण आहे?

स्वलिना एक अभिनेत्री, मॉडेल आणि लोकप्रिय संगीत कलाकार आहे. तिचे खरे नाव हॅलिना कुचे आहे आणि तिचा जन्म १ जुलै १९९५ रोजी फिनलंडमध्ये झाला. स्वलिनाने अनेक म्युझिक व्हिडिओ केले आहेत. दोघांनी २०२३ मध्ये आलेल्या 'कुडी' या सुपरहिट गाण्यात एकत्र काम केले आहे. त्या व्हिडिओमध्ये, चाहत्यांना रॅपर एमीवे बंटाई आणि स्वालिना यांच्यातील केमिस्ट्री खूप आवडली. आता, दोघांनीही लग्नाचे फोटो शेअर करून चाहत्यांना एक मोठे सरप्राईज दिले आहे.

या कपलच्या लग्नाचे फोटो सोशल मीडियावर मोठ्या प्रमाणात व्हायरल होत आहेत. चाहते रॅपर एमीवेचे त्याच्या अभिनंदन करत आहेत. फोटोंमध्ये, नवविवाहित जोडपे आनंदाने नाचताना दिसत आहे. यापेक्षा आनंदी लग्नाचे फोटो तुम्हाला कदाचित कधीच दिसणार नाहीत, मेड फॉर इच अदर अशा कमेंट करून चाहते या कपलवर प्रेमाचा वर्षाव करत आहे.