मुंबई: प्रत्येकजण आपल्या आयुष्यात एकदा का होईना प्रेमात (Love) पडतो. पण प्रेमात पडणारी व्यक्ती त्याला वेगवेगळ्या पद्धतीने प्रतिसाद देते. काहींचे प्रेम यशस्वी होते तर काहींचे नाही अयशस्वी होते. त्यामागे असतो तो एक विश्वास. अशाच प्रेमाच्या विश्वासातील प्रेमकथा घेऊन, अतिविश्वासामुळे झालेला प्रेमाचा घात घेऊन 'फिल्मी टाईम प्रोडक्शन' सह आणि 'कनिष्क अँड त्रिगेश एंटरटेनमेंट' सोबत निर्माते राजकुमार देगलूरकर, ओमप्रकाश बुक्कावार निर्मित 'ती माझी प्रेमकथा' या चित्रपटाचा ट्रेलर सोशल मीडियावर (Social Media) प्रदर्शित झाला आहे.
येत्या १४ ऑक्टोबरला हा चित्रपट (Movie) प्रदर्शित होणार आहे. चित्रपटात प्रेमकथा नसून आजच्या तरुण पिढीला एक संदेश मिळणार आहे. ट्रेलरची सुरुवात अभिनेता उपेंद्र लिमये यांच्या आवाजात सुरू झाल्याने त्यांच्या तोंडून ही प्रेमकथा ऐकण्यासाठी चाहते उत्सुक आहेत. अभिनेत्री पद्मिनी कांबळे आणि अभिनेता तुषार धकिते या नव्या जोडीने तर चित्रपटाच्या ट्रेलर मध्ये शाबासकी मिळवली आहे.
अभिनेता कपिल कांबळेंच्या अभिनयाची जादूही ट्रेलरमध्ये पाहायला मिळते. दिग्दर्शक सूर्या यांनी चित्रपटाचे दिग्दर्शन, कथा आणि स्क्रीनप्ले अशा तीनही जबाबदाऱ्या लिलया सांभाळत चित्रपट बनवला आहे. या रोमँटिक चित्रपटाच्या संगीताची धुरा संगीतकार राजवीर गांगजी यांनी सांभाळली आहे. चित्रपटाचा ट्रेलर पाहून प्रेक्षकांना १४ ऑक्टोबरची प्रतिक्षा आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.