'मला पुरुषाची गरज नाही...', अभिनेत्रीने केलं स्वतःशीच लग्न; फोटो शेअर करत दिली माहिती

मुंबई - बदलत्या काळानुसार लग्न आणि नातेसंबंधांबाबत लोकांची विचारसरणीही बदलत चालली आहे. आधुनिक जगात अनेक मुली एकटे राहणे पसंत करत आहेत. टीव्ही शो 'दिया और बाती हम' फेम कनिष्का सोनीने असाच काहीसा निर्णय घेत स्वतःशी लग्न केले आहे. कनिष्काने फोटो पोस्ट करत याबाबाद माहिती दिली आहे.

कनिष्का सोनीने (Kanishka Soni) नुकतेच तिचे काही खास फोटो शेअर केले आहेत, या फोटोमध्ये तिच्या कपाळावर सिंदूर आणि गळ्यात मंगळसूत्र दिसत आहे. कनिष्क सोनीची ही फोटो पाहून तिचे सर्व चाहते आश्चर्यचकित झाले आहेत. 'मी स्वतःशी लग्न केले आहे' असे कॅप्शनही तिने आपल्या पोस्टला दिली आहे.

माझी सर्व स्वप्ने स्वतः पूर्ण केली आहेत आणि मी माझ्यावर खूप प्रेम करते. मला कोणत्याही पुरुषाची गरज नाही. मी माझ्या गिटारसह एकटे राहून खूप आनंदी आहे. असे देखील तिने आपल्या पोस्टमध्ये लिहिले आहे. अभिनेत्रीच्या फोटोंवर चाहत्यांनीही प्रतिक्रिया व्यक्त करत तिच्या निर्णयाला धाडसी म्हटले आहे. कनिष्क सोनीने धाडसी पाऊल उचलले आहे असेच म्हणावे लागेल.

कनिष्क सोनी 'दिया और बाती हम', 'पवित्र रिश्ता' आणि 'देवी आदि पराशक्ती' सारख्या अनेक हिट टीव्ही शोमध्ये काम केले आहे. 'दिया और बाती हम', 'पवित्र रिश्ता' या दोन्ही शोने टीव्ही जगतात खळबळ उडवून दिली होती. चाहत्यांना या शोचे वेड लागले होते. अलीकडेच कनिष्का हॉलिवूडमध्ये काम करणार असल्याच्या बातम्या आल्या होत्या, त्यानंतर तिने टीव्ही इंडस्ट्रीतून ब्रेक घेतला होता.