Dipika Kakar: बिग बॉस फेम दीपिका कक्करला झाला 'हा' गंभीर आजार; पतीने अश्रू ढाळत केला खुलासा

Dipika Kakar : लोकप्रिय टीव्ही अभिनेत्री दीपिका कक्करच्या आरोग्याविषयी चिंताजनक बातमी समोर आली आहे. तिचा पती, अभिनेता शोएब इब्राहिमने आपल्या यूट्यूब व्ह्लॉगद्वारे ही माहिती दिली आहे की दीपिकाच्या यकृतात (लिव्हर) टेनिस बॉलच्या आकाराचा ट्युमर आढळला आहे. सध्या तिच्यावर उपचार सुरू असून, लवकरच शस्त्रक्रिया होणार आहे.

शोएबने सांगितले की, दीपिकाला काही दिवसांपासून पोटदुखीचा त्रास होत होता. सुरुवातीला त्यांनी अ‍ॅसिडिटी समजन औषधे घेतली, परंतु वेदना कमी न झाल्यामुळे त्यांनी डॉक्टरांचा सल्ला घेतला. रक्त तपासणीत यकृतात ट्युमर असल्याचे स्पष्ट झाले. CT स्कॅनमध्ये हा ट्युमर डाव्या लोबमध्ये असल्याचे दिसून आले, ज्याचा आकार टेनिस बॉलइतका मोठा आहे. सद्याच्या अहवालानुसार, हा ट्युमर सौम्य (बेनाईन) आहे.

दीपिका सध्या रुग्णालयात दाखल असून, लवकरच तिच्यावर शस्त्रक्रिया होणार आहे. शोएबने चाहत्यांना दीपिकासाठी प्रार्थना करण्याचे आवाहन केले आहे. त्याने सांगितले की, त्यांच्या मुलाला आईपासून दूर राहणे कठीण जात आहे, परंतु ते दोघेही या कठीण प्रसंगाला सामोरे जाण्यासाठी मानसिकदृष्ट्या तयार आहेत .

दीपिका कक्करने नुकतेच 'सेलिब्रिटी मास्टरशेफ इंडिया' या शोमध्ये सहभाग घेतला होता, परंतु आरोग्याच्या कारणास्तव तिने शोमधून माघार घेतली. या बातमीने तिच्या चाहत्यांमध्ये चिंता वाढली आहे, सर्वजण तिच्या लवकर बरे होण्यासाठी प्रार्थना करत आहेत. शोएब आणि दीपिका यांनी त्यांच्या वैयक्तिक आयुष्यातील या कठीण प्रसंगातही चाहत्यांशी प्रामाणिकपणे संवाद साधल्यामुळे त्यांचे कौतुक होत आहे.