TMKOC : आता तारक मेहता का उल्टा चष्मामधून जेठालालही गायब, होणार लवकरच रिप्लेस ?

मुंबई : टीव्ही वरील प्रसिद्ध विनिडी मालिका 'तारक मेहता का उल्टा चष्मा'(Taarak Mehta Ka Ooltah Chashmah) सध्या खूप चर्चेत आहे. कधी ही मालिका सोडणाऱ्या जुन्या पात्रांबद्दल तर कधी या मालिकेमध्ये येणाऱ्या नवीन कलाकारांच्या प्रवेशामुळे हा कार्यक्रम प्रकशझोतात असतो. नुकतेच तारक मेहताच्या भूमिकेत दिसणारा शैलेश लोढाने या मालिकेचा निरोप घेतला. त्यानंतर बऱ्याच गोष्टी उघडकीस आल्या, आता तारक मेहता व्यक्तिरेखेसाठी नवा चेहरा सापडल्याने हा शो पुन्हा चर्चेचा विषय बनला आहे.

तारक मेहताच्या भूमिकेत सचिन श्रॉफला कास्ट करण्यात आले आहे. लवकरच शोमध्ये त्याची एन्ट्री होणार आहे. मात्र यासोबतच आता दिलीप जोशी(Dilip Joshi) म्हणजे प्रेक्षकांचा लाडका जेठालाल या काही एपिसोडमध्ये अनुपस्थित राहिल्याने चाहते खूपच घाबरले असून, कदाचित दिलीप जोशीही या शोला अलविदा करणार असल्याचे प्रेक्षकांना वाटत आहे.

इतके दिवस जेठालालचे पात्र शोमध्ये न दिसण्याची ही पहिलीच वेळ आहे. सहसा शोचे सर्व भाग जेठालालभोवती फिरत असतात परंतु सध्या हे पात्र बरेच दिवस अनुपस्थित आहे. जेठालाल अमेरिकेला गेल्याचे दाखवण्यात आले आणि तेव्हापासून तो शोमध्ये परतलाच नाही. तसेच जेठालालची एकही झलक दिसली नाही, त्यामुळे आता दिलीप जोशीही शो सोडणार असल्याची भीती चाहत्यांना लागली आहे.

त्याचवेळी चाहत्यांना या भीतीने हैराण होऊन या कार्यक्रमाच्या निर्मात्यांना इशाराही दिला आहे. 'कोणीही बदलले तरी जेठालालच्या भूमिकेत दिलीप जोशीच्या ऐवजी कोणीही दुसरा कलाकार आणू नये', असे युजर्स सोशल मीडियावर लिहित आहेत. या भूमिकेत त्याला फक्त दिलीप जोशीलाच बघायचे आहेत. त्याच वेळी, काही यूजर्सनी लिहिले की हळूहळू शोची जुनी टीम बदलली जात आहे त्यामुळे शो बघण्याची इच्छा पण कमी होत आहे.