अखेर देवमाणूस 2'चा मुहूर्त ठरला! किरण गायकवाड या दिवशी येतोय प्रेक्षकांच्या भेटीला

झी मराठी वाहिनीवरील 'देवमाणूस' (Devmanus) या सिरियलने लोकप्रियतेचे चांगलेच शिखर गाठले आहे, आणि प्रेक्षकांना टीव्हीच्या स्क्रीनसमोरच खिळवून ठेवत. आता या सिरीयलमध्ये रंजक वळण पाहताना प्रेक्षक टीव्हीसमोरून हलत नसायचे. या सीरियलमध्ये मुख्य भूमिका साकारणारा अभिनेता किरण गायकवाड याच्या अभिनयाचे देखील प्रचंड कौतुक करण्यात येत असत.

हे देखील पहा-

त्याच्या अभिनयाने त्याने तमाम प्रेक्षकांच्या मनावर चांगलेच राज्य केले आणि 'देवमाणूस' (Devmanus) मधील भूमिकेने त्याने प्रेक्षकांचे (audience) मनात वेगळी ओळख निर्माण केली होती. मालिकेचा जेव्हा शेवट झाला, त्या वेळेस मालिकेचा दुसरा भाग येणार अशी चर्चा सुरु होती आणि प्रेक्षक आतुरतेने या दुसऱ्या भागाची देखील वाट बघत आहेत. आता तो क्षण लवकरच येणार आहे. 'देवमाणूस' परत एकदा प्रेक्षकांच्या भेटीला येत आहे.

मालिकेचा दुसऱ्या भागाचा टीझर प्रेक्षकांनी पाहिला आणि सोशल मिडियावर (Social media) मोठ्या प्रमाणात चर्चेला उधाण आले. हा नवीन सिझन लवकरच सुरू होणार असून यातील कलाकारांची माहिती अजूनही देखील गुलदस्त्यामध्येच आहे. तसेच देवमाणूसची मुख्य भूमिका साकारणारा अभिनेता (Actor) किरण गायकवाड याचा लूक या नवीन भागात कसा असणार आहे, याची उत्सुकता देखील प्रेक्षकांना चांगलीच लागली आहे.

'ती परत आलीये' ही मालिका प्रेक्षकांचा निरोप घेणार आहे. त्याऐवजी 'देवमाणूस २' मालिका प्रेक्षकांचे चांगलेच मनोरंजन करण्यासाठी सज्ज होणार आहे. "देवमाणूस २" चा महाआरंभ, १ तासाचा विशेष भाग रविवारी १९ डिसेंबर दिवशी रात्री ९ वाजता प्रेक्षकांच्या भेटीला येणार आहे. तर २० डिसेंबर पासून दर सोमवार ते शनिवार रात्री १०.३० वाजता झी मराठी वाहिनीवर ही सिरीयल प्रसारित होणार आहे.

Edited By- Digambar Jadhav