देसी गर्ल प्रियांका चोप्राचा निकसोबत रोमान्स; बोटिंगचाही लुटला आनंद

मुंबई : देसी गर्ल प्रियांका चोप्राचा(Priyanka Chopra) पती निक जोनसने (Nick Jonas) त्याच्या इन्स्टाग्राम हॅंडलवर काही फोटो शेअर केले आहेत. या फोटोमध्ये हे कपल लेक टाहोच्या मध्यभागी रोमँटिक पोझ देताना दिसत आहे. प्रियांकासोबत घालवलेल्या या सुंदर क्षणांना निक जोनसने 'मॅजिकल टायमिंग ' म्हटले आहे. याआधी प्रियांका चोप्रा एका व्हिडिओमध्ये गोल्फ खेळताना निक जोनसला चीअर करताना दिसली होती. या कपलच्या या व्हिडिओला सोशल मीडियावर चांगलीच पसंती मिळाली होती. आता चाहते त्यांच्या नवीन फोटोवर प्रेमाचा वर्षाव करत आहेत.

निक जोनसने प्रियांकासोबतचा फोटो शेअर करत कॅप्शनमध्ये, 'मॅजिकल टायमिंग' असे म्हणत, रेड हार्ट इमोजी शेअर केला आहे. निकच्या कॅप्शननुसार, या जोडप्याचे हे मनमोहक फोटो लेक टाहो येथील आहेत. जिथे या कपलने एकमेकांसोबत अविस्मरणीय वेळ घालवल्याचे या फोटोतून पाहायला मिळत आहे.

निकने शेअर केलेल्या फोटोंमध्ये, प्रियांका-निक तलावाच्या मध्यभागी बोटीवर रोमँटिक पोझ देताना दिसत आहेत. या कपलच्या लूकबद्दल बोलायचे तर देसी गर्ल केशरी रंगाच्या जम्पसूटमध्ये दिसत आहे. तिने ब्लॅक जॅकेट कॅरी करून तिचा लूक पूर्ण केला. दुसरीकडे, निक ब्लॅक आउटफिटमध्ये खूपच आकर्षक दिसत आहे. फोटोंमध्ये हे कपल बोटिंगचा आनंद घेताना दिसत आहे.

प्रियांका चोप्रा अनेक दिवसांपासून लॉस एंजेलिसमध्ये आहे. ती तिथं पती निक जोनससोबत राहत आहे. या वर्षाच्या सुरुवातीला या जोडप्याने आपल्या मुलीचे मालती मेरीचे जोरदार स्वागत केले. मुलीच्या जन्मानंतर प्रियांका सतत चर्चेत असते. याशिवाय, प्रियांका सोशल मीडियावर सतत तिचे मनमोहक फोटो आणि व्हिडिओ शेअर करून तिच्या चाहत्यांची मने जिंकत असते.

प्रियांका चोप्रा लवकरच 'टेक्स्ट फॉर यू' या आगामी चित्रपटामध्ये दिसणार आहे. याशिवाय तिच्याकडे लेखिका शिल्पी सोमाया गौडा यांच्या 'द सिक्रेट डॉटर' या कादंबरीवर आधारित एक चित्रपटही आहे. ज्यामध्ये ती सिएना मिलरसोबत दिसणार आहे. त्याचबरोबर ती फरहान अख्तरच्या आगामी 'जी ले जरा' या चित्रपटात आलिया भट्ट आणि कतरिना कैफसोबत मुख्य भूमिका साकारणार आहे.