Chhaava Box Office Collection : 'छावा'ची बॉक्स ऑफिसवर डरकाळी! फक्त ३ दिवसातच १०० कोटींचा टप्पा पार

बॉलिवूड अभिनेता विकी कौशलचा (Vicky Kaushal ) 'छावा' (Chhaava) चित्रपट सध्या बॉक्स ऑफिस गाजवत आहे. फक्त तीन दिवसांत चित्रपटाने धुमाकूळ घातला आहे. 'छावा' चित्रपट 14 फेब्रुवारीला प्रेक्षकांच्या भेटीला आला आहे. प्रेक्षकांकडून चित्रपटाला तुफान प्रतिसाद मिळत आहे. 'छावा' चित्रपटात छत्रपती संभाजी महाराजांच्या भूमिकेत अभिनेता विकी कौशल आणि महाराणी येसूबाईंची भूमिकेत रश्मिका मंदाना (Rashmika Mandanna) पाहायला मिळत आहेत.

'छावा' बॉक्स ऑफिस कलेक्शन दिवस 3

'छावा' चित्रपटाने रिलीजच्या तीन दिवसातच उंच भरारी घेतली आहे. 'छावा' चित्रपटाने तब्बल १०० कोटींचा टप्पा पार केला आहे. या चित्रपटाल सर्वत्र भरभरून प्रतिसाद मिळत आहे. 'छावा' चित्रपटाचे तीन दिवसाचे कलेक्शन जाणून घेऊयात.

• पहिला दिवस - 33.1 कोटी रुपये

• दुसरा दिवस - 39.3 कोटी रुपये

• तिसरा दिवस - 48.5 कोटी रुपये

• एकूण - 116.5 कोटी रुपये

भविष्यात 'छावा' चित्रपट अजून बंपर कमाई करून अनेक मोठ्या चित्रपटांचे रेकॉर्ड मोडणार असल्याचे चित्र पाहायला मिळत आहे. चित्रपटातील विकी कौशलच्या दमदार अभिनयाने चाहत्यांना भुरळ घातली आहे. 'छावा' चित्रपट लक्ष्मण उतेकर यांनी दिग्दर्शित केला आहे. हा चित्रपट तब्बल 130 कोटी रुपयांच्या बजेटमध्ये बनवला आहे. लवकरच चित्रपटाचे बजेट आता पूर्ण होणार आहे.

'छावा' चित्रपटातून दिग्दर्शिक लक्ष्मण उतेकर यांनी छत्रपती संभाजी महाराजांची शौर्यगाथा दाखवली आहे. 'छावा'चित्रपटात औरंगजेबाच्या भूमिकेत अक्षय खन्ना पाहायला मिळत आहे. 'छावा' चित्रपटाचे ॲडव्हान्स बुकिंगमध्येच छप्परफाड कमाई केली होती. विकी कौशल, रश्मिका मंदाना आणि लक्ष्मण उतेकर यांनी चित्रपटाचे तगडे प्रमोशन केले होते. 'छावा' चित्रपटात अनेक मराठी कलाकार पाहायला मिळत आहे.