मुंबई: दाक्षिणात्य चित्रपटसृष्टीतील आघाडीची अभिनेत्री, सोशल मीडियावरील तरूणांची क्रश म्हणून प्रसिद्ध असलेल्या रश्मिकाने (Bollywood Actress) बॉलिवूडमध्ये (Bollywood) पदार्पण केले आहे. बिग बी अमिताभ बच्चन यांच्या 'गुड बाय' चित्रपटातून रश्मिकाने बॉलिवूडमध्ये शानदार पदार्पण केले आहे. ती नेहमीच सोशल मीडियावर सक्रिय असते. ती सध्या तिच्या 'गुड बाय' चित्रपटानिमित्त प्रमोशनमध्ये खूपच व्यस्त आहे. (Bollywood Movie)
तिचे काही खास फोटो सध्या सोशल मीडियावर चांगलेच व्हायरल होत आहेत. तिने आपल्या व्यस्त कामातून मालदिवमध्ये सुट्टीचा आनंद घेताना दिसत आहे. या फोटोमध्ये रश्मिका एकटी दिसत असून तिच्यासोबत मालदिवमध्ये विजय देवरकोंडाही असल्याचे चाहत्यांना वाटत आहे. ते दोघेही एकत्र सुट्टीचा आनंद लुटत असल्याच्या चर्चेला चांगलेच उधाण आले आहे. कदाचित तिचा फोटो विजय काढत असल्याचेही बऱ्याच जणांनी तर्कवितर्क लावले आहेत.
रश्मिकाने आपल्या सोशल मीडियावर शेअर केलेल्या फोटोत ती एका पुलाच्या बाजुला बसून ब्रेकफास्टचा आनंद लुटताना दिसत आहे. त्या फोटोतील रश्मिकाच्या डोळ्यांवरचा काळा चष्मा विजयचा असल्याचा चाहत्यांचे म्हणणे आहे. विजयने विमानतळावरील शेअर केलेल्या फोटोत काळा चष्मा दोघांचाही सारखा दिसत आहे.
रश्मिकाची पोस्ट पाहून चाहत्यांनी असा अंदाज लावलाय की, रश्मिका मंदान्नाने आपला फोटो क्लिक करण्यासाठी विजय देवरकोंडाचा चष्मा घेतला आहे. यावरून रश्मिका मंदान्ना आणि विजय देवरकोंडा मालदीवमध्ये एकत्र असल्याचे स्पष्ट होते. ही बातमी समोर येताच सोशल मीडियावर एकच खळबळ उडाली आहे. दोघांचेही फोटो सोशल मीडियावर चांगलेच शेअर होत आहेत.
Edit By: Chetan Bodke
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.