मुंबई : वैश्विक कोरोना महामारीनंतर (Covid19) चित्रपटसृष्टीबरीच (Filmindustry) डबघाईला आली होती. परंतु आता हळूहळू चित्रपटसृष्टी बऱ्यापैकी त्यातून सावरत आहे. त्यातच बॉलिवूडला बॉयकॉट ट्रेंडने (Bollywood Boycott) चांगलेच घेरले आहे. त्यामुळे अनेक चित्रपटांना साधा निर्मितीचा खर्चही वसूल करता आला नाही. याचाच फटका अमिर खानच्या 'लाल सिंह चढ्ढा', रणबीरच्या 'शमशेरा' आणि अक्षय कुमारच्या 'रक्षाबंधन' या चित्रपटांना बसला आहे. हे तीनही चित्रपट बॉक्स ऑफिसवर म्हणावी तशी कमाली दाखवू शकले नाहीत.
यानंतर बॉलिवूडच्या दिग्गज कलाकार आणि निर्मात्यांनी एकत्र येऊन काही तरी तोडगा काढावा असे अनेकांचे मत आहे. नुकतेच शिवसेना राज्यसभेच्या खासदार प्रियंका चतुर्वेदी (Priyanka Chaturvedi) यांनी ट्विट करत आपले मत मांडले आहे. आता या बायकॉट ट्रेंडवर अभिनेता पंकज त्रिपाठी (Pankaj Tripathi) यांनीही मोठे विधान केले.
अभिनेता पंकज त्रिपाठी बायकॉट बॉलिवूडच्या ट्रेंडबद्दल म्हणाला, 'या ट्रेंडचा परिणाम थेट चित्रपट व्यवसायावर होत आहे. एखादा चित्रपट चालत नाही म्हणजे त्याला बायकॉट केले असे म्हणणे चुकीचे आहे. कारण एखादा चित्रपट प्रेक्षकांना आवडला नाही तर ते चित्रपट पाहण्यासाठी जात नाहीत'. आता तरी मूल्यांकन करण्याची गरज असल्याचे पंकज त्रिपाठी यांचे असे मत आहे.
गेल्या काही दिवसांपासून सोशल मीडियावर बायकॉटच्या ट्रेंडने चांगलाच धुमाकुळ घातलाय. यामुळे बॉलिवूडच्या चित्रपटांना फटका बसत असल्याचा आरोप बॉलिवूडमधून केला जात आहे. अनेकांनी तर बायकॉटच्या ट्रेंडविरोधात लढा देण्याचे आवाहन सुद्धा केले आहे. बायकॉटवर अनेक बॉलिवूड कलाकारांनी भाष्य देखील केले. मात्र, आता पंकज त्रिपाठी यांनी केलेल्या भाष्यावर बॉलिवूडमधून नेमक्या काय प्रतिक्रिया येणार हे पाहणे औत्सुक्याचे ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
