Death News: प्रसिद्ध बॉलीवूड अभिनेत्रीच्या आईचं निधन; 10 दिवसांनी भावूक पोस्ट करत म्हणाली, 'मला तुझी खूप आठवण येते...'

Actress Mother Death: बॉलीवूडची प्रसिद्ध अभिनेत्री झरीन खान सध्या तिच्या आई, परवीन खान यांच्या निधनामुळे शोकसागरात आहे. परवीन खान यांनी ८ एप्रिल २०२६ रोजी जगाचा निरोप घेतला. आईच्या निधनानंतर १० दिवसांनी, या अभिनेत्रीने इन्स्टाग्रामवर एक भावूक पोस्ट शेअर केली. यापोस्टमध्ये तिने आपल्या आईचे वर्णन 'पहिले प्रेम' असे केले आहे. सोशल मीडियावर पोस्ट केलेल्या एका हृदयस्पर्शी व्हिडिओमध्ये, झरीनने तिच्या आईसोबत घालवलेल्या सुंदर क्षणांची झलक दाखवली आहे.

आईच्या आठवणीत झरीन खान भावूक

आईसोबत घालवलेल्या क्षणांचा एक व्हिडिओ शेअर करताना, झरीनने आपल्या कॅप्शनची सुरुवात अरबी वाक्प्रचाराने केली: "इन्ना लिल्लाही व इन्ना इलैही राजिऊन" (खरोखरच आम्ही अल्लाहचे आहोत आणि खरोखरच आम्ही त्याच्याकडेच परत जाणार आहोत). तिने लिहिले, "माझे पहिले प्रेम, माझी आई, माझी बेस्ट फ्रेंड, माझे बाळ, माझे जग, माझे सर्वस्व... तुला जाऊन १० दिवस झाले आहेत. जगाने वाचावे म्हणून मी काही मोठी पोस्ट लिहिणार नाही; कारण तुझ्याविना सध्या मी कोणत्या मनस्थितीतून जात आहे, हे तुलाच खूप चांगल्या प्रकारे ठाऊक आहे."

आईच्या निधनावर अभिनेत्रीने व्यक्त केली आपली वेदना

आपले दुःख व्यक्त करताना तिने पुढे लिहिले, "माझ्या हृदयात नेहमीच एक पोकळी राहील, जी कोणीही कधीही भरून काढू शकणार नाही. मला तुझी खूप, खूप आठवण येते... आपण पुन्हा भेटेपर्यंत." तिच्या या पोस्टनंतर लगेचच, चाहत्यांनी कमेंट्स करुन तिला धीर दिला आहे. परवीन खान यांचे या वर्षी ८ एप्रिल रोजी मुंबईत, वयाच्या ६५ व्या वर्षी दीर्घकालीन आजारानंतर निधन झाले. त्यांच्यावर अंधेरी पश्चिम येथील वर्सोवा मुस्लिम कब्रस्तानमध्ये अंत्यसंस्कार करण्यात आले.

झरीन खानचा चित्रपट प्रवास

झरीन खानने २०१० मध्ये वीर या चित्रपटातून बॉलिवूडमध्ये पदार्पण केले. त्यानंतर ती हाऊसफुल २, हेट स्टोरी ३, अक्सर २ आणि १९२१ यांसारख्या चित्रपटांमध्ये झळकली. गेल्या काही वर्षांपासून ती मोठ्या पडद्यापासून दूर असली, तरीही ती सोशल मीडियाच्या माध्यमातून आपल्या चाहत्यांशी जोडलेली आहे. ती वारंवार आपल्या आयुष्यातील काही क्षणांची झलक चाहत्यांशी शेअर करत असते.