Famous Actress : शूटिंगदरम्यान सुप्रसिद्ध अभिनेत्रीच्या थेट घशात अडकली 'नोज रिंग'; त्यानंतर काय घडलं? VIDEO होतोय व्हायरल

'बिग बॉस १३' मुळे लोकप्रिय झालेली अभिनेत्री शहनाज गिल सध्या आपल्या कामामुळे चांगलीच चर्चेत आहे. ती एकावर एक दमदार प्रोजेक्ट देत आहे. अभिनेत्रीने नुकताच तिच्यासोबत घडलेल्या अपघाताविषयी माहिती दिली आहे. इन्स्टाग्रामवर एक व्हिडिओ शेअर करत तिने सांगितले की, एका शूटिंगदरम्यान तिची नथ चुकून तिच्या तोंडात पडली आणि ती गिळली गेली. अभिनेत्रीने पडद्यामागचा (BTS) एक व्हिडिओ शेअर केला.

शहनाज गिलने शेअर केलेला व्हिडीओ पाहून चाहते चिंतेत पडले आहे. एका प्रोजेक्टच्या शूटिंगदरम्यान शहनाज गिलसोबत ही भीतीदायक घटना घडली.व्हिडिओमध्ये अभिनेत्री सेटवर धावताना दिसत आहे, तेव्हाच तिची नथ अचानक तिच्या तोंडात पडते. त्यानंतर अभिनेता सौरभ सचदेवा तिला मदत करण्यासाठी धावताना दिसतो, तिच्या पाठीवर थोपटतो. व्हिडिओमध्ये शहनाज ओरडताना आणि उलटी करण्याचा प्रयत्न करतानाही ऐकू येते.

शहनाजने शेअर केलेल्या क्लिपवरून असे दिसते की, ही घटना तिच्या आगामी प्रोजेक्टपैकी एकाच्या शूटिंगदरम्यान घडली असावी. असे असूनही, शहनाज गिलने शूटिंग सुरूच ठेवले. व्हिडिओ शेअर करताना तिने लिहिले, "मुख्य व्हिडिओच्या आधी... ही एक छोटी BTS कथा...तुमच्यापैकी बरेच जण मला नथीची घटना पोस्ट करायला सांगत होते!" चाहत्यांनी व्हिडीओवर कमेंट करत अभिनेत्रीबद्दल काळजी व्यक्त केली आहे.

शहनाज गिलही मनोरंजन विश्वातील आता प्रसिद्ध चेहरा आहे. तिने सलमान खानसोबत देखील काम केले आहे. मीडिया रिपोर्टनुसार, शहनाज गिलने 'इक कुडी' चित्रपटातून निर्माती क्षेत्रात पदार्पण केले. तसेच ती 'किसी का भाई किसी की जान', 'थँक्यू फॉर कमिंग', 'विक्की विद्या का वो वाला व्हिडिओ' या चित्रपटांमध्ये दिसली. शहनाज गिलने पंजाबी चित्रपटांमध्येही काम केले आहे. चाहते आता शहनाज गिलच्या आगामी प्रोजेक्टची उत्सुकतेने वाट पाहत आहेत.