महमूद अली यांची बहिण बॉलिवूड अभिनेत्री मीनू मुमताज यांचे कॅनडामध्ये निधन

मुंबई : बॉलिवूड मधील सुप्रसिद्ध विनोदी अभिनेते मेहमूद यांची बहिण अभिनेत्री मीनू मुमताज यांचे कॅनडामध्ये निधन झाले आहे. त्या ७९ वर्षांचे होते. मीनू मुमताज मागील काही वर्षांपासून कॅनडा या ठिकाणी वास्तव्यास होते. तसेच त्या आजारी देखील होते. मीनू मुमताज यांचे लहान भाऊ आणि सिनेनिर्माता अनवर अली यांनी त्यांच्या निधनाची बातमी दिली आहे.

हे देखील पहा-

तसेच मीनू मुमताज यांच्यावर प्रेक्षकांनी जे भरभरून प्रेम केले त्याबद्दल अनवर अली यांनी आभार मानले आहेत. त्यांनी सांगितले की, 'सिनेमा जगत, प्रसारमाध्यमे, चाहते आणि मित्रमंडळींनी त्यांच्यावर भरभरून प्रेम केले आहे. त्याबद्दल सर्वांचे आभार.' अनवर अली यांची पत्नी यांनी देखील सांगितले की, मीनू जवळपास २० वर्षांपासून कॅनडामध्ये राहत होती. मागील काही वर्षांपासून त्या आजारी होते.

भारतीय वेळेनुसार त्यांचे १.३० वाजेच्या सुमारास निधन झाले आहे. त्यांच्यावर टोरंटोमध्येच अंत्यविधी करण्यात येणार आहे. मीनू मुमताज यांनी 'सखी हातिम' या सिनेमातून अभिनयाच्या क्षेत्रात पदार्पण केले आहे. त्यांनी अनेक सिनेमांत डान्सर म्हणून देखील काम केले होते. सीआयडी, नया दौर, ताजमहल, गबन, जमीर हे त्यांनी काम केलेले सिनेमे लोकप्रिय ठरलेले होते.

मीनू मुमताज यांच्या निधनाविषयी त्यांचे भाचे नौषाद यांनी देखील सांगितले की, ' आतापर्यंत मी बघितलेल्या सर्वात प्रेमळ व्यक्ती होते.' मीनू मुमताज यांचे खरे नाव मलिकुन्निसा होते. परंतु, मीना कुमारी यांनी त्यांना मीनू हे नाव दिले होते. मीनू यांनी मोठे भाऊ महमूद यांच्याप्रमाणे सिनेमांत काम करून स्वतःची वेगळे स्थान निर्माण केले होते.

Edited By- Digambar Jadhav