Court Dismisses Plea By The Actor’s Father And Observes: दिवंगत अभिनेता सुशांतसिंह राजपूत यांच्या आयुष्यावर बेतलेल्या न्याय: द जस्टिस या चित्रपटावर बंदी घालण्याची मागणी करणारी याचिका दिल्ली हायकोर्टानं फेटाळली.
बॉलिवूड अभिनेता दिवंगत सुशांतसिंह राजपूत याच्या आयुष्यावरील चित्रपट 'न्याय : द जस्टिस'वर बंदी घालण्याची मागणी करणारी याचिका दिल्ली हायकोर्टानं फेटाळून लावली. सुशांतच्या वडिलांनी ही याचिका दाखल केली होती. सुशांतसिंह राजपूतच्या सोबतच त्याचे सर्व अधिकार संपुष्टात आले आहेत, अशी टिप्पणीही कोर्टाने केली. सुशांतचे वडील के. के. सिंह यांनी चित्रपटाच्या निर्मात्यांविरोधात तक्रार दाखल केली होती.
सुशांतचे वडील के.के. सिंह यांनी दाखल केलेल्या याचिकेत सुशांत सिंह राजपूतच्या जीवनावर आधारित चित्रपटावर बंदी घालण्याची मागणी केली आहे. याचिकेत सुशांतच्या वडिलांनी आपल्या मुलाचे नाव किंवा त्याच्यासारखी पात्रे चित्रपटात वापरण्यावर बंदी घालण्याची मागणी केली आहे. याचिकेत सुशांत सिंह राजपूतच्या आयुष्यावर येणाऱ्या काही चित्रपटांचा देखील याचिकेत उल्लेख केला आहे, ज्यात 'सुसाइड ऑर मर्डर: ए स्टार वॉज लॉस्ट', 'शशांक' आणि आणखी एका चित्रपटाचा समावेश आहे.
न्यायमूर्ती संजीव नरुला यांच्या खंडपीठाने सुशांतचे वडील केके सिंग यांनी सुशांतच्या चित्रपटाच्या प्रदर्शनावर बंदी घालण्याची केलेली मागणी फेटाळली. ‘न्याय: द जस्टिस’ हा चित्रपट अभिनेत्याच्या जीवनावर आधारित नसल्याचे सांगण्यात आले. सुशांतसिंह राजपूत याच्यासोबतच त्याचे सर्व अधिकार संपुष्टात आले, असे कोर्टाने स्पष्ट केले.
लॅपलॉप या ओटीटी प्लॅटफॉर्मवर हा चित्रपट प्रदर्शित झाल्याची माहिती मिळत आहे. कोर्टाने सुशांत सिंहच्या वडिलांमार्फत दाखल केलेली ही याचिका फेटाळली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
