Ranveer Singh: अभिनेता रणवीर सिंगला व्हायचे आहे महानायक, व्यक्त केली लहानपणीची इच्छा

मुंबई: बॉलिवूडचे (Bollywood) महानायक अमिताभ बच्चन (Amitabh Bachchan) सारखे बनण्याचे स्वप्न अभिनय क्षेत्रातील प्रत्येक कलाकाराचे असते. अमिताभ बच्चन यांचे व्यक्तिमत्व सर्वांनाच प्रभावित करते. फारच कमी कलाकार त्यांच्या इतके यशस्वी झाले आहेत. 'बिग बी' यांनी नुकताच ८० वा वाढदिवस साजरा केला आहे. वाढदिवसाच्या काही दिवसांपूर्वी त्यांचा 'गुड बाय' हा चित्रपट प्रदर्शित झाला आहे. अभिनेता रणवीर सिंगने अमिताभ बच्चन यांचे कौतुक केले आहे. 'लोकमत महाराष्ट्रीयन ऑफ द इयर २०२२'च्या मंचावर आपला भावना व्यक्त करत रणवीरने अमिताभ बच्चन त्याचे आदर्श असल्याचे सांगितले आहे. रणवीरला अमिताभ यांच्यासारखे बरीच वर्ष काम करायचे आहे.

रणवीरला नुकताच एक पुरस्कार (Award) मिळाला आहे. या कार्यक्रमादरम्यान केलेल्या भाषणात रणवीरने त्याला अमिताभ बच्चन सारखे व्हायचे आहे आणि पुढेही त्याची हिच इच्छा असेल, असे त्याने सांगितले आहे.

रणवीर सिंग (Ranveer Singh) यावर स्पष्टीकरण देत म्हणाला, मला त्यांच्यासारखे व्हायचे आहे म्हणजे मला त्यांच्यासारखे वयाच्या ८० व्या वर्षापर्यंत काम करायचे आहे, ते कसे अजूनही फक्त अॅक्टिंग करत आहेत. रणवीर सिंगवर अमिताभ बच्चन यांचा खूप मोठा प्रभाव आहे. अमिताभ रणवीरचे आदर्श तर आहेतच परंतु त्याला त्यांच्या पावला पाऊल टाकण्याची इच्छा सुद्धा आहे.

आलिया भट्ट, धर्मेंद्र, शबाना आजमी आणि जया बच्चन यांच्यासह रणवीर सिंग‘रॉकी और रानी की प्रेम कहानी’ या चित्रपटात (Movie) दिसणार आहे. हा चित्रपट ११ फेब्रुवारी, २०२३ला प्रदर्शित होणार आहे. याशिवाय रणवीर सिंग रोहित शेट्टी दिग्दर्शित 'सर्कस' चित्रपटात सुद्धा दिसणार आहे. या चित्रपटामध्ये त्याच्यासोबत जॅकलिन फर्नांडिस आणि पूजा हेगडे सुद्धा आपल्याला दिसणार आहेत.