Hrithik Roshan: हृतिकच्या अॅब्सने चाहत्यांना दिला नवा कानमंत्र, आगामी चित्रपटासाठी घेतोय जबरदस्त मेहनत...

Hrithik Roshan: बॉलिवूड अभिनेता हृतिक रोशनने नुकतेच मोठ्या जल्लोषात नववर्षाचे स्वागत केले आहे. तो खास नववर्षाचे स्वागत करण्यासाठी परदेशातून भारतात आला. सोबतच तो नेहमी सोशल मीडियावर सक्रिय असतो. त्याच्या सोशल मीडियावरील पोस्ट नेहमीच चाहत्यांच्या पसंदीस उतरत असतात. सध्या तो फायटर चित्रपटाच्या चित्रीकरणात व्यग्र आहे. चित्रीकरणादरम्यानचे काही खास फोटो तो अनेकदा सोशल मीडियावर शेअर करत असतो. नुकतेच त्याने एक फोटो सोशल मीडियावर शेअर केला आहे.

त्याच्या या नव्या फोटोने सर्वांचेच लक्ष वेधले आहे. तो अभिनयासोबतच त्याच्या शरीरयष्टीमुळेही सर्वत्र चर्चेत असतो. सोमवारी, त्याने इंस्टाग्रामवर त्याच्या अॅब्सची काही छायाचित्रे शेअर करून काही चाहत्यांना प्रेरणा दिली. त्याने चाहत्यांना जिममधील लूक दाखवला आहे, त्याने ब्लॅक टी-शर्टवर करत, चाहत्यांना अ‍ॅब्स दाखवले आहे. "ठीक आहे. चला २०२३ मध्ये जाऊया." हृतिक रोशन सध्या दीपिका पदुकोणसोबत 'फायटर' चित्रपटात एकत्र स्क्रिन शेअर करणार आहे.

या फोटोत हृतिकने त्याच्या जिममधील लूकने सर्वांचेच लक्ष वेधले. त्या फोटोत ब्लॅक टीशर्ट, टोपी आणि ट्रॅक पॅंटमध्ये दिसत असून क्लिन शेव्हमध्ये दिसत आहे. त्याच्या या फोटोवर फक्त चाहत्यांनीच नाही तर अनेक दिग्गज बॉलिवूड सेलिब्रिटींनीही कमेंट केली आहे, सध्या त्याच्या फोटोवर चाहत्यांच्या कमेंट्सचा आणि लाईक्सचा पाऊस पडत आहे. सोबतच त्याच्या वयावरुनही त्याला काही युजर्स सवाल विचारत आहे. सध्या हृतिकचे वय ४८ असून त्याच्या वयावरुन त्याला बरेच ट्रोल केले जात आहे.

हृतिक आणि दीपिका एकत्र पुढच्या वर्षात दिसण्याची शक्यता वर्तवली जात आहे. सध्या दीपिका सिद्धार्थ आनंद दिग्दर्शित पठानमध्ये मुख्य भूमिकेत असून तिच्यावर अनेक ट्रोलधाड सुरु आहे. हृतिक आणि दीपिका सिद्धार्थच्या आगामी फायटर या चित्रपटात एकत्र दिसणार आहेत, चित्रपट जानेवारी 2024 मध्ये सिनेमागृहात प्रदर्शित होणार आहे.

या चित्रपटात अनिल कपूर देखील आहेत. दोन महिन्यांपूर्वी, हृतिकने त्याच्या इंस्टाग्राम स्टोरीजवर एक फोटो शेअर केला होता आणि घोषणा केली होती की त्याने चित्रपटाच्या शूटिंगला सुरुवात केली आहे. तेव्हापासून हृतिकचे चाहते हा चित्रपट पाहण्यासाठी उत्सुक आहेत.