Mumbai: गोरेगाव फिल्मसिटीतील ‘बिग बॉस’च्या सेटवर आग

मुंबई: बॉलिवूड अभिनेता सलमान खानचा (Salman Khan) रिअॅलिटी शो 'बिग बॉस'च्या (Bigg Boss) सेटवर आग लागल्याची धक्कादायक बातमी समोर आली आहे. ‘बिग बॉसच्या सेटवर आग (Bigg Boss Set Fire) लागल्यावर अग्निशमन (Firefighting) दलाच्या ४ गाड्या घटनास्थळी पोहोचले असल्याची सांगण्यात येत आहे. बिग बॉसच्या (Big Boss) सेटच्या नेमक्या कोणत्या भागाला आग लागली आहे, याची माहिती आजून समोर आली नाही.

हे देखील पहा-

आतापर्यंत कोणत्याही प्रकारची जीवितहानी झाल्याची माहिती समोर आली नाही. अग्निशमन दल आगीवर नियंत्रण मिळवण्याचे प्रयत्न करत आहे. सलमान खानच्या ‘बिग बॉस’ या शोच्या १५व्या सीझनचा फिनाले काही काळ अगोदरच पार पडला आहे. या फिनालेचा भव्य प्रीमियर (Premier) आयोजित करण्यात आला होता. ज्यामध्ये बिग बॉस १५ चे सर्व स्पर्धक उपस्थित होते. 'बिग बॉस'च्या सेटवर आग लागल्यावर चांगलाच गोंधळ उडाला आहे.

अग्निशमन दलाच्या गाड्या घटनास्थळी दाखल झाले आणि आग विझवण्याचे काम सुरू झाले. ‘बिग बॉस ११५विषयी सांगायचे तर, करण कुंद्रा, सिम्बा नागपाल, निशांत भट्ट, शमिता शेट्टी, रश्मी देसाई आणि तेजस्वी प्रकाश यांसारख्या सेलिब्रिटींनी यामध्ये भाग घेतला होता. शोमध्ये ३ महिन्यांहून अधिक काळ झाल्यानंतर, तेजस्वी प्रकाशने ‘बिग बॉस’ची ट्रॉफी जिंकली आहे. याबरोबरच तिला एकता कपूरच्या लोकप्रिय 'नागिन ६'च्या नवीन सीझनमध्ये मुख्य भूमिका साकारण्याची संधी मिळाली आहे.

Edited By- Digambar Jadhav