'बिग बॉस ओटीटी 2' (Bigg Boss OTT 2) विनर आणि प्रसिद्ध युट्यूबर एल्विश यादव (Elvish Yadeav) सध्या चांगलाच चर्चेत आहे. काही दिवसांपूर्वी त्याच्यावर युट्यूबर सागरला मारहाण केल्याप्रकरणी गुन्हा दाखल करण्यात आला होता. त्यानंतर सापांच्या विषाची तस्करी प्रकरणी नोएडा पोलिसांनी त्याला अटक केली होती. सध्या या दोन्ही प्रकरणांमध्ये एल्विश यादवला दिलासा मिळाला आहे. ५ दिवसांच्या तुरुंगवासानंतर एल्विश यादवची जामीनावर सुटका झाली. तुरुंगातून बाहेर आल्यानंतर एल्विशने सोशल मीडियावर केलेली पोस्ट सध्या चर्चेत आली आहे.
एल्विश यादवने नुकताच आपल्या अधिकृत इन्स्टाग्राम अकाऊंटवर स्वत:चा एक फोटो पोस्ट केला आहे. हा फोटो पोस्ट करत त्याने कॅप्शनमध्ये 'वेळ दिसत नाही पण खूप काही दाखवून जाते.', असे लिहिले आहे. सध्या एल्विश यादवची ही पोस्ट चांगलीच व्हायरल होत आहे. त्याच्या या पोस्टला २९ लाखांपेक्षा जास्त लाइक्स मिळाले आहेत.
तुरुंगातून बाहेर आल्यानंतर एल्विश यादवने त्याचा पहिला फोटो फॅन्ससोबत शेअर केला आहे. यूट्यूबर दोन महागड्या कार्समध्ये अतिशय स्टायलिश स्टाईलमध्ये पोज देताना दिसत आहे. त्याने शर्ट, जिन्स पँट आणि त्यावर ब्लॅक कलरचे जॅकेट सोबतच गॉगल लावून आपला लूक परिपूर्ण केला आहे.
यूट्यूबर एल्विश यादव त्याच्या नवीन फोटोमुळे सोशल मीडियावर खूप ट्रोल होत आहे. काही युजर्सनी कॉमेंट सेक्शनमध्ये त्यांच्या वडिलांनी दिलेल्या विधानाचा उल्लेख केला आहे. एल्विशच्या वडिलांनी सांगितले होते की, 'त्यांच्या मुलाकडे कोणतीही महागडी कार नाही. मित्रांच्या गाड्या उधार घेऊन तो फोटोशूट करून घेतो.' दरम्यान, एल्विश यादव अनेकदा चुकीच्या कारणांमुळे चर्चेत असतो. तो अनेकदा त्याच्या यूट्यूब चॅनलवरून वादग्रस्त विधाने करताना दिसतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.