Mc Stan Trolled: मूळचा पुणेरी असलेल्या MC स्टॅनची हवा सध्या सर्वत्र जोरदार सुरू आहे. Stan ची घरात एन्ट्री होताच त्याच्या फॅन्स संख्येत झपाट्याने वाढ झाली. 'बिग बॉस १६' च्या घरातून बाहेर येताच त्याचे नशीबच पूर्ण पालटले आहे. MC स्टॅन सध्या बराच चर्चेत आला आहे. पण तो सध्या त्याच्या फॅशन मुळे बराच ट्रोल होतोय. नुकतेच त्याने एका पार्टीसाठी हजेरी लावली होती.
MC स्टॅन हा ‘बिग बॉस’च्या घरातील सर्वाधिक चर्चेतील चेहरा होता. घरातील मंडलींबरोबरच स्टॅनच्या हटक्या लूकची ही सर्वत्र चर्चा होत होती. रॅपरच्या गाण्यांबरोबरच त्याच्या हटके स्टाइलनेही तरुणाईला वेड लावलं होतं. स्टॅनच्या गळ्यातील चैन व ८० हजारांच्या शूजने प्रत्येकाचं लक्ष वेधलं. एका पार्टीदरम्यान स्टॅनने त्याचे ८० हजारांचे शूज पापाराझींना दाखवले. पण स्टॅनच्या या कृतीने नेटकऱ्यांनी बरेच ट्रोल केले आहे. एका इंस्टाग्राम पेजवरुन स्टॅनची व्हिडीओ शेअर करण्यात आली आहे.
या व्हिडीओवर नेटकरी म्हणतात, छपरी म्हणजे काय? हे बिग बॉसच्या १६ व्या सीझनच्या विजेत्याला विचारा, असे म्हणत त्याला ट्रोल केले. तर आणखी एक नेटकरी म्हणतो, हे शूज मी तुला ५०० रुपयात आणून देतो. तर आणखी एक म्हणतो, अशेच शूज तुला मी २००० रुपयात आणून देतो. एकाने तर हद्दच पार केली, कमेंट करत नेटकरी म्हणतो, तुझे ८०,००० शूज चोर बाजारात सर्रास विकतात. म्हणत त्याने ट्रोल केले.
'बिग बॉस १६' च्या घरातून बाहेर येताच त्याला बरीच मोठी लॉट्री लागली आहे. सोबतच त्याने आपल्या मानधनात ही घसघशीत वाढ केली असून त्याचा चाहता वर्ग देखील दिवसेंदिवस वाढत आहे. स्टॅनला अनेक ब्रँड्स कडून ऑफर्स मिळत असून लवकरच तो बॉलिवूडमध्येही डेब्यू करत आहे. सोबतच त्याला बॉलिवूडचे प्रसिद्ध संगीत दिग्दर्शक साजिद-वाजिद यांच्याकडूनही गाण्याची ऑफर मिळाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
