Priyanka Chahar Choudhary Health Update: अभिनेत्री प्रियंकाची तब्येत बिघडली; ऑनस्क्रीन आईने दिली महत्वाची हेल्थ अपडेट

Priyanka Chahar Choudhary Health Update

'बिग बॉस १६' फेम प्रियांका चहर चौधरीला कोणत्याही वेगळ्या ओळखीची गरज नाही. 'बिग बॉस १६'मधून प्रकाशझोतात आलेली प्रियंका सध्या सोशल मीडियावर बरीच चर्चेत आली आहे. दरम्यान, अभिनेत्रीची तब्येत बरी नसल्यामुळे तिला रुग्णालयात दाखल करण्यात आले आहे. नेमकं तिला रुग्णालयामध्ये का दाखल केले आहे ?, याबद्दलची माहिती कळू शकलेली नाही.

प्रियांका चौधरी आजारी असल्याची माहिती तिच्या मैत्रीणीने सोशल मीडिया प्लॅटफॉर्म एक्स (ट्वीटर)वरून दिली आहे. शेअर केलेल्या फोटोमध्ये अभिनेत्रीच्या हाताला सलाईन लावलेले दिसत आहे. तिने फोटो शेअर करताना लिहिले की, ‘लवकर बरी हो. मग तुझ्या मैत्रिणींसोबत मज्जा मस्ती कर.’ अभिनेत्रीचा हा फोटो पाहून तिच्या चाहत्यांनी तब्येतीची विचारपूस केलेली आहे. (Social Media)

'बिग बॉस १६' फेम प्रियांका चहर चौधरीच्या वर्कफ्रंटविषयी बोलायचे तर, नुकतंच तिने तुषार कपूरसोबत एक प्रोजेक्ट साइन केला आहे. काही दिवसांपूर्वी तिने सोशल मीडियावर तिच्या आगामी प्रोजेक्टबद्दल चाहत्यांना सांगितले होते. सोबतच प्रियंकाने रणदीप हुड्डासोबत एक म्युझिक अल्बमही केला होता.