कॉमेडियन भारती सिंग बनली आई; घरी छोट्या पाहुण्याचे आगमन

मुंबई - अनेकांना पोट धरुन हसायला लावणारी कॉमेडी क्विन भारती सिंग आणि हर्ष लिंबाचियाच्या घरी नव्या पाहुण्याचं आगमन झालं आहे. नेहमी चर्चेत असलेली कॉमेडियन भारती सिंग (Bharti Singh) आता आई बनली आहे. भारतीने सोशल मीडियाच्या माध्यमातून मुलगा झाल्याची माहिती आपल्या चाहत्यांना दिली आहे. भारती आपल्या प्रेग्नेंसीच्या शेवटच्या दिवसातही काम करत होती. त्यामुळं अनेक महिलांसाठी भारती आदर्श ठरली आहे. भारती सिंग आणि हर्ष लिंबाचिया (Haarsh Limbachiyaa) आई-वडील होण्यासाठी खूप उत्सुक होते.

दरम्यान, हर्षने सोशल मीडियावर त्यांच्या प्रेंग्नेसी शूटच्या वेळीचा फोटो शेअर करून ही गोड बातमी दिली. ‘इट्स बॉय’ असे कॅप्शन या फोटोला दिले आहे. तसेच या जोडप्यावर अभिनंदनाचा वर्षाव होताना दिसत आहे.

भारतीला मुलगा झाला असून रविवारी तिची प्रसूती झाली असल्याचं हर्षने सांगितलं आहे. भरती बराच काळ तिच्या प्रेग्नेंसीचा प्रवास आपल्या चाहत्यांसोबत शेअर करत होती. गरोदर राहिल्यापासूनच भारती आई होण्यासाठी उत्सुक होती. आपल्या सोशल मीडियावर भारती नेहमी आपल्या बेबी बंपचे फोटो शेअर करत होती. तिचे बेबी बंपमधील फोटो सोशल मीडियावर चांगलेच व्हायरल झाले होते.