Ananya Pandey - Aditya Roy Kapoor Spotted: बॉलिवूडचे नवं कपल! आदित्य-अनन्याचं गोवा व्हेकेशन संपलं; एअरपोर्टवर एकत्र झाले स्पॉट

Aditya Roy Kapoor Ananya Pandey Spotted At Goa:

अनन्या पांडे आणि आदित्य रॉय कपूर हे बॉलिवूडमधील नवीन जोडपे आहे. युरोपमधील व्हेकेशन असो किंवा चित्रपटांचे स्क्रिनिंग हे जोडपे अनेकदा एकत्र स्पॉट झाले आहे. नुकतेच हे जोडपे गोव्यातील समुद्रकिनारी त्यांच्या सुट्टीचा आनंद घेल्याने पुन्हा एकदा चर्चेत आले आहे.

अनन्या आणि आदित्य रॉय कापुर गोवा एअरपोर्टवर एकत्र स्पॉट झाले आहेत. दोघांनीही त्यांचे चेहरे मास्कने झाकले होते. यावेळी आदित्यने फुल स्लीव्जचा व्हाईट टीशर्ट घातला होता तर ब्लॅक पॅन्टने पेअर केले होते. अनन्याने क्रिम कलरचा टॉप आणि फेडेड जीन्स घातली होती. तर अनन्याने मेसी बन बांधला होता.

गेल्या महिन्यात आदित्य रॉय कपूरने अनन्यासोबत स्पेन आणि पोर्तुगालमध्ये घालवलेल्या सुट्ट्यांबद्दल सांगितले होते. तेव्हा तो म्हणाला, "मला ब्रेकची खूप गरज होती. मी पावसाळ्यात कुठे गेलो नाही, मला मुंबईतला पावसाळा खूप आवडतो."

अनन्यासोबतच्या त्याच्या लीक झालेल्या फोटोंबद्दल विचारले असता, आदित्यने उत्तर दिले: “मी सोशल मीडियावर फारसा सक्रिय नाही ही चांगली गोष्ट आहे. पण मी हे नक्कीच ऐकले आहे..." 2022 मध्ये क्रिती सॅननच्या दिवाळी पार्टीमध्ये एकत्र दिसल्यानंतर त्यांच्या डेटिंगच्या अफवा सुरू झाल्या होत्या.

आदित्य रॉय कपूर नुकताच 'द नाईट मॅनेजर' या थ्रिलर वेबसीरीजमध्ये दिसला होता, ज्याला चांगला प्रतिसाद मिळाला होता. या वेबसीरीजमध्ये आदित्य रॉय कपूर, अनिल कपूर , शोभिता धुलिपाला, तिलोतमा शोम, रवी बहल आणि सास्वता चॅटर्जी यांनी महत्तवाच्या भूमिका केल्या होत्या. आदित्य रॉय कपूरने मृणाल ठाकूरसोबत गुमराह या थ्रिलर चित्रपटातही काम केले होते.

अनन्याचा ड्रीम गर्ल 2 हा कॉमेडी चित्रपट नुकताच प्रदर्शित झाला आहे. या चित्रपटात तिने आयुष्मान खुरानासोबत काम केले आहे. हा चित्रपट बॉक्स ऑफिसवर यशस्वी ठरला आहे. एक्सेल एंटरटेनमेंटच्या 'खो गये हम कहा'मध्ये देखील अनन्या दिसणार आहे. या चित्रपटात आदर्श गौरव आणि सिद्धांत चतुर्वेदी देखील दिसणार आहेत.