विजय देवरकोंडाचा जबरदस्त ॲक्शनपट ‘लायगर’चा जबरदस्त ट्रेलर प्रदर्शित

Liger Trailer: दाक्षिणात्य सुपरस्टार विजय देवरकोंडाचा (Vijay Devarakonda) आगामी चित्रपट ‘लायगर’ची प्रेक्षकांमध्ये प्रचंड उत्सुकता आहे. त्याच्या लायगर या चित्रपटाचा ट्रेलर नुकताच प्रदर्शित करण्यात आला आहे. या चित्रपटात विजयसोबत अनन्या पांडे (Ananya Pandey) मुख्य भूमिकेत दिसणार आहे. करण जोहरने (Karan Johar) नुकताच या चित्रपटाचा नवीन पोस्टर आणि ट्रेलर सोशल मीडियावर शेअर केला आहे.

या चित्रपटात विजय बॉक्सरच्या भूमिकेत दिसणार आहे. लायगरच्या ट्रेलरची चाहते आतुरतेने वाट पाहत आहे. अखेर चाहत्यांची प्रतीक्षा आज संपली आहे. या चित्रपटाचा ट्रेलर नुकताच प्रदर्शित झाला आहे. या चित्रपटाच्या निमित्ताने पहिल्यांदाच टॉलिवूड आणि बॉलिवूड एकत्र येत आहेत. विजयने सोशल मीडियावर या ट्रेलरचा व्हिडीओ पोस्ट केला आहे. येत्या 25 ऑगस्टला हा चित्रपट प्रदर्शित होणार आहे.

ट्रेलरमध्ये विजय देवरकोंडा यात जबरदस्त अॅक्शन करताना दिसत आहे. ट्रेलरमध्ये विजय अडखळत फक्त 2-3 डायलॉग बोलतो. पण या दोन तीन डायलॉगमध्येच तो मन जिंकून घेतो. त्याने आपल्या किकबॉक्सिंगने सर्वांना वेड लावले आहे. या चित्रपटात रम्या कृष्णन विजयच्या आईच्या भूमिकेत दिसणार आहे. ट्रेलरमध्ये अनन्या आणि विजयचा रोमान्सही दाखवण्यात आला आहे. चित्रपटाच्या ट्रेलरमध्ये विजय देवरकोंडाचा डॅशिंग अंदाज थक्क करणारा आहे.

लायगरचे दिग्दर्शन पुरी जगन्नाथ यांनी केले आहे. तर करण जोहरने निर्मितीची जबाबदारी सांभाळली आहे. अनन्याचा हा पहिलाच तेलुगू चित्रपट आहे. २०२१च्या फेब्रुवारीमध्ये चित्रपटाच्या चित्रीकरणाला सुरुवात झाली होती. आता हा बहुचर्चित चित्रपट २५ ऑगस्टला प्रदर्शित होणार आहे.